Чөлөөт бөхийн насанд хүрэгчдийн улсын аварга шалгаруулах тэмцээн өнөөдөр Спортын төв ордны “А” танхимд амжилттай үргэлжлэн явагдаж байна. “Токио 2020” олимпийн наадам болох хариуцлагатай жил учраас энэхүү тэмцээнд бүх бөхчүүд өндөр ач холбогдол өгч байгаа билээ. УАШТ-д түрүүлсэн бөхчүүд Энэтхэгт болох Азийн АШТ, гуравдугаар сарын 27-29 – нд БНХАУ-ын Шиань хотноо болох Азийн олимпийн эрх олгох тэмцээнд оролцох учиртай.

Өнөөдөр эрэгтэйчүүдийн -57 кг,- 65 кг,-70 кг,-86 кг, эмэгтэйчүүдийн -50 кг,-55 кг,-59 кг жингийн шигшээ барилдаанууд боллоо. Эрэгтэй 57, 65, 86 болон эмэгтэй 50 кг олимпийн жин учраас эдгээр жингүүдэд ширүүн өрсөлдөөн явагдаж аваргуудаа тодруулав. Г.Мандахнаран-Т.Тулга, Н.Лхамгармаа-Б.Батмагнай, 57-д Эрдэнэбатын Бэхбаяр, Түмэнбилэгийн Түвшинтулга, 86 кг-д О.Үйтүмэн, Г.Ганхуяг, эмэгтэй 50 кг-д Н.Анударь, Ц.Намуунцэцэг зэрэг жин жингийн шилдэг бөхчүүдийн барилдаан үзэгч олныг уйдаасангүй. УАШТ 2 өдрийн форматаар явагдаж буй учир бөхчүүд 2 өдөр дараалан барилдаж байна.

Эхний өдрийн медальтнууд

57 кг: 1. Т.Түвшинтулга /Эрч/
2. Б.Төгс /Төгс/
3. М.Даваабанди /Алдар/
3. П.Дашцэрэн /Хасу/

65 кг: 1. Г.Мандахнаран /Алдар/
2. С.Билгүүн /Алдар 2/
3. Б.Нямдорж //Төгс/
3. Б.Батмагнай /Алдар/

70 кг: 1. Э.Тэмүүлэн /Хасу/
2. Г.Бэгзжав /Эрч/
3. Г.Ханбүргэд /Алдар/
3. З.Мөнхтулга /Жэнко/

86 кг: 1. О.Үйтүмэн /Алдар/
2. Н.Шинэтөр /МУБИС/
3. Д.Оргилох /Хасу/
3. Г.Ганхуяг /МУБИС/

50 кг: 1. Ц.Намуунцэцэг /Хасу/
2. Б.Мөнхнар /Алдар/
3. Н.Анударь /Хилчин/
3. Отгонжаргал /Женко/

55 кг: 1. Б.Дөлгөөн /Налайх/
2. Б.Хатантуул /Хүч/
3. О.Отгонтуяа /Алдар/
3. Б.Хулан /Аврагч/

59 кг: 1. Э.Даваачимэг /Хилчин/
2. Н.Энхтуяа /Аврагч/
3. Т.Цэнд-Аюуш /Эрч/
3. Д.Энхжаргал /Алдартан/

Шуурхай.мн