Хөгжлийн банкны гүйцэтгэх захирал Г.Амартүвшин 2020 оны сонгуульд нэр дэвшихээр ажлаа өгсөн тухай мэдээлэл гараад байгаа билээ. Түүнийг МАН-аас нэр дэвшинэ хэмээж байгаа боловч ажлаа өгсөн шалтгаан өөр учиртай аж. Тэрбээр Хөгжлийн банкны захирлаар 6 сарын хугацаатай томилогдсон бөгөөд Удирдах зөвлөлөөс нь цаашид гэрээ байгуулахгүй гэсэн учраас ажлаа өгсөн бололтой. Эх сурвалжуудын мэдээлж буйгаар Хөгжлийн банкыг гадаадын СЕО буюу гадаад мэргэжилтнээр удирдуулахаар болсон ажээ.
Г.Амартүвшин нь Брюсселийн Европын Их сургуулийн бакалавр, Харвардад бизнесийн удирдлагаар мастерийн зэрэг хамгаалсан бөгөөд “Хас” банканд кахирал, мөн Казахстаны “Жэй Эс Си Казкоммерс” банканд Гүйцэтгэх захирлын тэргүүн орлогч, Эрсдлийн газрын захирал зэрэг ажил хийж байсан ажээ.
Бямбын Ренчин гуайн зээ хүү, чадварлаг банкир Г.Амартүвшин 2020 оны сонгуульд нэр дэвших эсэх нь тун удахгүй тодорхой болох биз ээ.
Шуурхай.мн
