Монголын зохиолчдын эвлэл байгуулагдсны түүхт 91 жилийн ой өнөөдөр тохиож байна. МЗЭ-ийн ойн баярын өдрөөр Монголын зохиолч, яруу найрагчид их зохиолч Д.Нацагдоржийн хөшөөнд цэцэг өргөж ба Их эзэн Чингис хааны хөшөөнд хүндэтгэл үзүүлнэ.
1929 оны энэ өдөр уран зохиолын авьяастнууд хуралдаж, уран зохиолын бүлгэмийг байгуулжээ. Иймд уг өдрийг МЗЭ байгуулагдсан өдөр хэмээн түүхэнд тэмдэглэсэн байдаг билээ.
Анхны бүлгэм байгуулахад хожим нэрт уран бүтээлч болсон С.Буяннэмэх, М.Ядамсүрэн, Ц.Дамдинсүрэн, Б.Ренчин, Г.Навааннамжил нарын зэрэг 17 хүн оролцжээ.
Энэхүү ойн өдрөөрөө МЗЭ-ээс оны шилдэг богино өгүүллэг шалгаруулах "Утгын чимэг" наадмаа зохион байгуулах юм.
Шуурхай.мн
