УИХ-ын гишүүн Н.Номтойбаярын бүрэн эрхийг түдгэлзүүлэх саналыг Улсын ерөнхий прокуророос УИХ өчигдөр хүргүүлсэн байна. Энэ дагуу өнөөдөр УИХ-ын Халдашгүй байдлын дэд хороо хуралдаж Н.Номтойбаяр гишүүний бүрэн эрхийг түдгэлзүүлэх эсэхийг шийдэх юм. Учир нь УЕП ийм хүсэлт гаргавал 48 цагийн дотор хэлэлцэх ёстой байдаг. Халдашгүй байдлын дэд хороонд Ц.Нямдорж Д.Лүндээжанцан, Ө.Энхтүвшин, Н.Энхболд, Ч.Улаан нарын харъяалагддаг.
Үүний дараа асуудлыг УИХ дахь намын бүлэг, байнгын хороогооны хуралдаанаар хэлэлцэнэ. Эх сурвалжуудын мэдээллээр МАН-ын бүлгийнхэн Н.Номтойбаярын бүрэн эрхийг түдгэлзүүлэхийг санал нэгтэйгээр дэмжээд байгаа гэнэ.
Харин Н.Номтойбаяр гишүүний зүгээс УИХ-ын Халдашгүй байдлын дэд хороог нээлттэй хуралдуулахыг шаардаж байгаа тухай хэвлэлүүд мэдээлж байна.
