fbpx АНУ монголчуудад ажлын виз олгохоор болжээ
 
Энэ мэдээ хуучирсан буюу 2018/01/18-нд нийтлэгдсэн мэдээ болно.
Ангилал
Улс төр
Огноо
Унших
1 минут 43 секунд

АНУ монголчуудад ажлын виз олгохоор болжээ

Өчигдөр АНУ-ын Дотоод Хэргийн Департмент тус улсад H-2A, H-2B визээр иргэд нь нэвтрэх эрхтэй орнуудын жагсаалтыг шинэчлэн танилцуулжээ.

Эдгээр виз нь Америкийн компаниудад түр хугацаагаар гаднаас ажилчин авах боломж олгодог юм. Тухайлбал H-2A виз нь улирлын чанартай хөдөө аж ахуйн салбарын ажлуудад ажиллах хүч авах зориулалттай бол H-2B виз нь хөдөө аж ахуйн бус улирлын чанартай ажлууд, жишээ нь аялал жуулчлалын салбарт ажилчин авахад ашиглагддаг.

Вашингтон энэ удаа 82 орныг H-2A виз авах эрхтэй, 81 орныг H-2B виз авах эрхтэй орноор зарлажээ. Жагсаалт энэ сарын 18-наас эхлэн 2019 оны нэгдүгээр сарын 18 хүртэл хүчин төгөлдөр үйлчлэх гэнэ.

Аль аль визийг иргэд нь авах эрхтэй оронд анх удаа Монгол улс багтсан байна. Өмнө нь Монгол улс “risk of non-compliance” буюу бодлогын хувьд нийцэмжгүй орнуудын ангилалд багтдаг байжээ. Мэдэгдэлд Монголын засгийн газар визний зөрчилтэй иргэдээ хүлээж авахад АНУ-тай хамтран ажилладаг болж, ахиц гаргах болсон тул ийнхүү зөвшөөрөгдсөн орнуудын жагсаалтад багтсаныг тайлбарласан байна.

Харин иргэд нь байнгын зөрчил гаргаж, гэмт хэрэг үйлддэг Хайти, Белиз, Самоа улсуудыг жагсаалтаас хассанаа зарлажээ.

Дотоод Хэргийн Департментаас гаргасан шинэчлэгдсэн орнуудын жагсаалттай танилцах бол энд дарна уу.

Эх сурвалж: NBCnews

Барилга хот байгуулалтын яам ААН байгууллагуудын цагийг хэмнэсэн шинэ систем нэвтрүүллээ
Барилга хот байгуулалтын яам ААН байгууллагуудын цагийг хэмнэсэн шинэ систем нэвтрүүллээ
 
Ж.СОРОНЗОН: 30 ЖИЛ БАГШИЙН ЭРЭЛД
Ж.СОРОНЗОН: 30 ЖИЛ БАГШИЙН ЭРЭЛД
Энэ мэдээ хуучирсан буюу 2018/01/18-нд нийтлэгдсэн мэдээ болно.

Шинэ мэдээ