ЭМЯ-наас дөнгөж сая албан ёсоор мэдээлэл өглөө. Мэдээллээр "Тусгай үүргийн онгоц өчигдөр БНСУ-аас, өнөөдөр Берлин-Мосвкагийн онгоцоор иргэдээ авчирсан.

"Тусгай үүргийн онгоц өчигдөр БНСУ-аас, өнөөдөр Берлин-Мосвкагийн онгоцоор иргэдээ авчирсан. Энэхүү иргэдийн дотроос гурван иргэнээс коронавирусийн халдвар илэрлээ. Эдгээрхүмүүст шаардлагатай тусламж үйлчилгээг үзүүлж эхэлсэн.

Хавьтлуудыг нарийн судалж байна. Бид коронавирусийн халдвар авсан орноос иргэдээ авчирч байгаа. Эрсдэл байгааг ч тооцоолж байсан. Энэ дагуу бэлтгэлээ хангаад тухайн иргэдийг нэг бүрчлэн тусгаарласан байгаа. Хүн амын дунд халдвар тархахаас урьдчилан сэргийлж чадсан. Францаас Берлинээр дамжин ирсэн иргэний биеийн байдал хүнд байна. Бид шаардлагатай арга хэмжээг авч байна. Германаас ирсэн хүний ойрын хавьтлын 9 хүнийг тусгаарлаад байна" гэлээ. 

Мөн "Коронавирусийн халдвар дэлхийн 160 гаруй оронд тархаад байна. Манай улсад тархах нь цаг хугацааны л асуудал байсан. Энэ талаар бид сэрэмжлүүлэг мэдээлэл өгч байсан. Хэдий эрсдэлтэй байсан ч жирэмсэн, өндөр настай, бага насны, өвчтэй гээд зайлшгүй шаардлагатай иргэдээ авчрахаас өөр аргагүй байсан. Ямар ч үед төр засаг иргэдээ хаяхгүй авчирсан. Тиймээс иргэд тайван амгалан байх хэрэгтэй. ЭМЯ гурван сарын хугацаанд иргэдээ сэрэмжлүүлэг мэдээлэл хүргэж ажилласан. Маскаа зүү, гараа угаа, дархлаагаа дэмжих хэрэгтэй. Айж сандарч, дархлаагаа унагах хэрэггүй. 

Өмнөх тохиолдол болон одоогийн гурван тохиолдол гурвуулаа зөөвөрлөгдөн орж ирсэн. Та бүхэн маань гадуур дотуур гарах хэрэггүй. Зөвлөмжөө сайн дагах хэрэгтэй" гэв.