АНУ-аас Н2A,  H2B  буюу түр ажил эрхлэх визний ангилалийг хамааруулах улс орны жагсаалтыг гаргажээ. Энэхүү жагсаалтанд Монгол улс багтсан байна. Тодруулбал  АНУ-ын Ерөнхийлөгч Доналд Трамп хөдөлмөр эрхлэх визийг Монголчуудад олгохоор шийдвэрлэжээ.  Энэхүү шийдвэрийн дагуу АНУ-тай зөвлөлдөх уулзалт хийхээр болсон ба. уулзалтаар эцэслэн шийдэгдэж, АНУ-ын талаас Монгол Улсад албан ёсоор мэдэгдэх юм. Түр хугацаанд ажил хөдөлмөр эрхлэх энэхүү визний ангилал нь маш өндөр шалгуураар явагддаг бөгөөд АНУ-ын элчин сайдын яамнаас санал болгосны дагуу зөвшөөрлийг авчээ. Энэхүү визний ангилал нь хууль ёсны дагуу АНУ-д хөдөлмөр эрхлэх ангиллын виз байдаг  бөгөөд цаашлаад АНУ-руу аялах хөдөлмөр эрхлэх хүмүүс хариуцлагтайгаар энэхүү визийг ашиглах боломж бололцоог олгож байгаа юм. Энэхүү хүсэлтийг анх 2017 оны 5 сард Вашингтонлуу АНУ-ын элчин сайдын яамнаас явуулж өнөөдрийн энэ шийдвэр гарах эхлэл тавигджээ. Хоёр төрлийн визний ангилал байгаа юм байна. Н2А, Н2B гэсэн  ангилал байгаа. Н2А ангиллийн виз нь хөдөө аж ахиун салбарт түр хугацаагаар ажиллах боломжтой Н2B ангилал нь бусад салбарт ажиллах виз юм байна. Н2A нь дугаарын хязгаарлалт байхгүй буюу ажил эрхлэх хүний тоо хязгааргүй харын H2B ангиллын виз нь хүний тоо заасан юм байна.АНУ ажиллах нийт хүний тоог Конгресаас  гаргадаг дугаарын хязгаарлалт ойролцоогоор 66000  ажилтан хүлээж авна гэсэн зөвшөөрлийн тоо өгдөг ба энэ нь тухайн оныхоо 10 сарын 1 нээс дараа оны 9 сарын 30 дуусгавар бодог байна. Тэрхүү  66000 хүнийг хоёр хэсэгт хувааж ажил хувиарладаг байна. 2017 оны 12 сарын эхээр эхний 33000 хүний тоо бүрдчихсэн ба ажилаа эрхлээд явж байгаа юм байна. Хэдийгээр Монгол улсын зөвшөөрөл гарсан ч гэсэн гурван сараас нааш номер авах боломжгүй байгаа юм. Харын 3 сарын 1 нээс Н2B ангиллийн  виз олгогдож эхлэх юм байна. H2A ангилал дугаарын хязгаарлалт байхгүй учраас хэзээ ч хамаагүй виз мэдүүлэхэд боломжтой болжээ. Нас болон хүйс заагаагүй байгаа бөгөөд заавал англи хэлтэй байх шаардлагагүй юм байна. Монгол улсад олгогодсон энэхүү зөвшөөрөл нь 2019 оны 1 сарын 17-ыг хүртэл хүчин төгөлдөр байх аж. Дараагийн жилүүдэд дахин хамрагдах боломжтой ч хэд хэдэн хүчин зүйлээс шалтгаалж зөвшөөрөл олгох эсэхийг шийднэ. АНУ-ын зүгээс энэхүү боломжийг хариуцлагтайгаар хамтран хэрэгжүүлэхийг сануулсан байна.

                                                                                        Эх сурвалж Л.Дима Шуурхай.мн