Сар шинийн баяртай холбогдуулан хүнсний үнэ нэмэгдэж байна
Монгол түмний уламжлалт Сар шинийн баяр удахгүй болох гэж байгаатай холбогдуулан бараа бүтээгдэхүүний үнэ тэнгэрт хадлаа. Тэр дундаа ууц, үхрийн өвчүү, махны үнэ ханш тэнгэрт хадаад байна. Сүүлийн жилүүдэд хөдөө орон нутгаас малчид өөрсдөө ууц, махаа тээвэрлэн авчирч борлуулах болсон. Энэ жилийн хувьд Дорнод, Өвөрхангай, Дундговь аймгийн малчид орон нутгаасаа мах ихээр авчирч борлуулж байгаа юм. Энэ жил хүчит шонхор зах дээр ууцны үнэ 120-250₮ мянган төгрөгийн ханштай байна. Харин үхрийн өвчүү кг тус бүр нь 5500- 6300 мянган төгрөгийн үнэтэй. Үхрийн өвчүү дунджаар 20 гаруй кг татдаг. Тиймээс хэмжээнээсээ шалтгаалан үхрийн өвчүү 90- 140 мянган төгрөгийн үнэтэй байна. Худалдаачид энэ жилийн худалдан авалт өмнөх жилийнхтэй харьцуулахад борлуулалт тааруу байгааг онцлов. Иргэд банш буузаа бэлтгэхээр ихэвчлэн ямааны мах гулуузаар нь авч байгаа хэмээн малчид онцолсон юм. Харин захын жижиглэнгийн тасагт махны үнэ харьцангуй үнэтэй байгаа аж. Тодруулбал, үхрийн цул мах 6000-6500, адууны мах 5000-5500, хонь, ямааных 4200- 5000 мянган төгрөгийн ханштай байв. Сар шинийн баяраа өргөн дэлгэр тэмдэглэхийн тулд ахмадууд тэтгэврийнхээ зээлийг олон сараар авах нь бий. Ер нь ганц мах ч гэлтгүй цагаан сараар иргэдийн хамгийн их хэрэглэдэг “Цесна” гурил 25 кг нь 42000, “Алтан тариа”-н ширхэгтэй дээд гурил 25 кг нь 35000, 10 кг нь 16000 төгрөгийн үнэтэй байна. Мөн жилийн жилд иргэдийн дунд хамгийн их эрэлттэй байдаг хэвийн боовны үнийн хувьд “Өгөөж” компанийнх 2180, “Суман гүн”-ийн “Өлзий” хэвийн боов 2300-2500 төгрөгийн ханштай байгаа ажээ. Тавгийн суурь еэвэн том, жижгээсээ хамаараад үнэ нь харилцан адилгүй байлаа. Тодруулбал, 2.5 кг-тай еэвэн 16500, 1.5 кг-тай нь 9000 төгрөгийн үнэтэй байсан юм.Ингээд Нийслэлийн засга даргын Хэрэгжүүлэгч агентлаг статистикийн газраас гаргасан махний үнэ ханшийг талаар мэдээллийг уншигч танд хүргэж байна 2018 оны 1-р сарын 3-р долоо хоногт хонины ястай мах нэг килограмм нь дунджаар 5185 төгрөг, үхрийн ястай мах нэг килограмм нь дунджаар 6525 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 0.8 хувиар буюу 50 төгрөгөөр өсч, харин үхрийн цул махны үнэ тогтвортой байлаа. Энэ 7 хоногийн ажиглалтаар үхрийн мах “Хүчит Шонхор”, “Хар Хорин” хүнсний захуудад хамгийн хямд буюу 5200 төгрөг, Харин “Меркури” хүнсний захад хамгийн өндөр үнэтэй буюу 6800 төгрөг байна. Хонины ястай махны үнэ өмнөх долоо хоногтой харьцуулахад 1.7 хувиар буюу 85 төгрөг, хонины цул махны үнэ 0.9 хувиар буюу 45 төгрөгөөр тус тус өссөн байна. Энэ долоо хоногийн ажиглалтаар хонины мах “Хар Хорин” хүнсний захад хамгийн хямд буюу 4100 төгрөгөөр, харин “Меркури” хүнсний захад хамгийн өндөр үнэтэй буюу 5500 төгрөгөөр худалдаална. Эх сурвалж Л.Дима Шуурхай.мн
