Автотээврийн үндэсний төв ТӨҮГ нь Улаанбаатар хотод Сонгинохайрхан, Баянзүрх, Баянгол техникийн хяналтын үзлэгийн төв, хот хоорондын зорчигч тээврийн Баянзүрх, Сонгинохайрхан, Хан-Уул /Лавай/ зорчигч тээврийн төв болон орон нутагт 23 салбартай бөгөөд үйл ажиллагааныхаа зарим чиг үүргийг эдгээр салбаруудаараа дамжуулан улсын хэмжээнд хэрэгжүүлж байна.
Дэлхий даяар тархаад буй шинэ корона вирус /Covid 19/-ын халдвар, цар тахлын үед зорчигч, үйлчлүүлэгчид болон ажилтнуудаа халдвараас хамгаалах зорилгоор нийт салбарууддаа ариутгал, халдваргүйжүүлэлтийг тогтмол хийж Эрүүл мэндийн яам, мэргэжлийн байгууллагаас өгч байгаа зөвлөгөө зөвлөмжийг мөрдлөгө болгон хамгаалах хэрэгслийг тогтмол хэрэглэж байна. Мөн үйлчилгээний танхим, ажлын байранд тогтмол цэвэрлэгээ, ариутгал хийхээс гадна зорчигч үйлчлүүлэгчдийн гарыг ариутган, халууныг үзэж, амны хаалтаа зүүн үйлчлүүлэхийг зөвлөн ажиллаж байна.
