НИТХ-ын төлөөлөгчид улирал тутамд 12 сая төгрөг халаасалдаг

Жил ирэх тусам ядуурлын хэмжээ нэмэгдэж байгаа. Түүний нэгэн баталгаа нь  Үндэсний статистикийн газраас ядуурлын хэмжээ 37% нэмэгдсэн хэмээн мэдээллэсэн явдал юм. Иргэдийн амжиргааны төвшин өдөр ирэх тусам дороотойж иргэд татварын дарамтанд байгаа энэ үед НИТХ-ын төлөөлөгчид өөрсддөө улирал тутамд 12 сая төгрөг олгохоор шийдвэрлэжээ. 

МАН, АН-ын төлөөлөгчид нэгнийхээ хийсэн ажлыг үгүйсгэж  чоно нохой мэт байдаг атлаа энэхүү төлөөлөгчдөд олгох 12 сая төгрөгийн асуудал дээр гар барилцан баталсан байх юм. Иргэдийн хурлын төлөөлөгчдийг урамшуулах тогтоолыг тэргүүлэгчид өчигдөр сэм баталсан байх юм. Тэд хуралдахдаа төлөөлөгчдийн урамшуулал нэрээр биш бусад  хэлэлцэх асуудлын жагсаалтад оруулж улирал тутамд 12 сая төгрөг олгоно хэмээн  тогтоолоо баталсан байна. Нэг төлөөлөгч улиралд 12 сая төгрөг 4 улиралд 48 сая төгрөг зүгээр л халаасандаа хийнэ. 

48 сая төгрөгийг 45 төлөөлөгчид олгоно гэвэл жилд татвар төлөгчдийн мөнгөнөөс 2 тэрбум төсөвлөгдөнө. Бүтэн цэцэрлэг барих хэмжээний мөнгийг тэд нэг жилийн дотор хуваан авч байна. НИТХ-ын төлөөлөгчид хэзээнээс л мөнгөн урамшуулал авдаг нь үнэн өөрөөр хэдбэл 2013 оныг хүртэл төлөөлөгч бүр улирал тутамд 10 сая төгрөгийн урамшуулал авдаг байсан бол 2014 оноос мөнгөн дүн нь  өсч 20 сая болсон нь ихээхэн шүүмжлэл дагуулж байсан удаатай. Тэд хэлэхдээ энэхүү урамшууллын мөнгөө тойрогтоо зарцуулдаг гэх болов ч иргэд жилдээ ганц удаа тойрогтоо ирдэг хэмээжээ. Их баригч намын дарга нар нь бүсээ чангал гээд татвар нэмж доор нь ажиллаж буй иргэдийн төлөөлөгчид нь өөрсөддөө урамшуулал олгож буй байдал нь яав ч шудрага хэрэг биш бизээ.

                                                                                                                                             Эх сурвалж Л.Дима Шуурхай.мн