fbpx

Ц.Элбэгдоржийн улс төр ба эрүүгийн хэрэг


Монгол Улсын дөрөв дэх Ерөнхийлөгч Ц.Элбэгдорж улс төрд эргэн ирлээ. Тэрээр өнгөрсөн долоо хоногт АН-ын гишүүнчлэлээ сэргээж батлахаа гардсан. Өчигдөр гэхэд л намынхаа гишүүддээ зангиагүй уулзалт хийсэн мэдээллүүд цахимаар нэг хөвөрч байна.

Уг нь өнгөрсөн хугацаанд Ц.Элбэгдоржид улс төрдөө эргэн орох хангалттай хугацаа байлаа. Ерөнхийлөгчийн суудлаа 2017 онд өгөхийнхөө өмнө “Би улс төрд орохгүй. Олон улсын байгууллагад ажиллана” гэсэн утгатай ярилцлагыг өгч байсан эрхэм өнөөдөр ийнхүү эргэн ирж байна.

Түүний энэ алхам цаанаа хэд хэдэн зорилготой гэдгийг учир мэдэх хүмүүс хэлж байна. Өнгөн дээрээ нэр хүнд нь унаад байгаа АН-д Ц.Элбэгдорж шиг удирдагч орж ирэх нь хамгийн ашигтай. Харин Ц.Элбэгдоржид намдаа буцаж ирэх нь түүний хуулийн байгууллагад шалгагдаж байгаа хэрэгтэй холбоотой гэх.

Түүнийг АТГ-аас Эрүүгийн хуулийн ерөнхий ангийн 1.8-1, 2002 оны Эрүүгийн хуулийн ерөнхий ангийн 35.6 дахь хэсэгт заасныг журамлан мөн хуулийн 263 дугаар зүйлийн 263.2 дахь хэсэгт зааснаар Нийслэлийн прокурорын газраас 2020 оны нэгдүгээр сарын 30-нд эрүүгийн хэрэг үүсгэн яллагдагчаар татсан. Хуулийн байгууллагаас яллагдагчаар татаж буйгаа өнгөрсөн нэгдүгээр сард албан ёсоор танилцуулах гэсэн боловч Ц.Элбэгдорж гадаад улс руу явсан байсан юм. Харин үүний дараа Ц.Элбэгдорж Монголд ирснээр ийнхүү хэргийг үргэлжлүүлэн шалгаж байгаа аж.

  • Түүнийг эрх мэдэл, албан тушаалаа урвуулан ашиглаж, “Эрдэнэт” үйлдвэрийн 49 хувийг худалдаж авсан “Монголиан коппер корпорейшн” ХХК-д хууль бусаар давуу эрх олгосон гэх хэрэгт,
  • “Эрдэнэт” үйлдвэрийн дарга асан Ц.Даваацэрэн багын найз нь гэгдэх Баасанжавын Отгонбаатар нартай холбоотой хэрэгт,
  • ТЕГ-ын дарга асан Б.Хурц нарын есөн хүний С.Зоригийг хөнөөсөн хэрэгт Б.Содномдаржаа, Т.Чимгээ нарыг эрүүдэн шүүсэнтэй холбоотой хэрэгт,
  • 2012 онд П.Цагааны хамт БНСУ-ын иргэн Ү Так Гуанаас 3.7 сая ам.доллар залилсан гэх зэрэг хэрэгт буруутган шалгасан гэдэг.

Шалгалтын ажиллагаа дуусч хэргийг прокурорын байгууллагад шилжүүлсэн, Ц.Элбэгдорж хэрэгтэй танилцсан гэх мэдээлэл байгаа юм. Өөрөөр хэлбэл, түүнд холбогдох хэрэг шүүхэд шилжихэд бэлэн болж байна гэсэн үг.

Монголын хууль, шүүхийн байгууллага улс төрийн томоохон зүтгэлтнүүдийн холбогдсон хэргийг шийдвэрлэх явц эрчтэй байгаа. Энэ шуурганд Ерөнхийлөгч асан өртөх магадлал ч өндөр. Тийм ч учраас тэрээр улс төрийн намдаа эргэн орж, нуувчээ бэлдэж байгааг үгүйсгэхгүй билээ.

Б.ЗАЯА

Эх сурвалж: shuurhai.mn

 


Энэ мэдээ таалагдаж байвал:


  • зочин · [43.228.129.20] · 2020/10/30

    Энэ Баттулга Элбэгдорж хоёрыг ганцхан ардчилсан нам л хамгаалж чадна Хэрвээ энэ хоёр эрхэм хоорондоо нэгдэж нягтарч чадвал АН хүчирхэг болно,шудрага ёс ялна,хууль хүн болгонд тэгш үйлчилдэг болно,улс орон маань үсрэнгүй хурдаар хөгжинө.Хэрвээ энэ хоёр нэгдэж хүчээ нэгтгэвэл хэндэч дийлдэхгүй ,хэрвээ чадахгүй бол дуусаа.


  • үнэн · [103.9.90.130] · 2020/10/30

    Элбэгдоржийн хэрэг удаад байгаа нь ямар учиртай юм бол, уг нь аль хэдийн ял авах ёстой луйварчин хүний адаг . Зоригийн гэх хэрэгт Элбэгдорж, Батүүл нар холбогдох ёстой гэж олон түмэн шуугиад л байсан олны үг ортой гэж хуулийнхан учрыг нь олох байх гэж найдаж байна. АН-ын залуучууд хорчин Эийгүйгээр намаа шинчилбэл зүгээрсэн наад хулгайч чинь самарч өгнө дөө . Ялаас мултарчих арга саам хайж АН руу хадаг барьж очиж байгаа юм


  • Зочин · [183.177.100.4] · 2020/10/30

    elbegdorjoo gutlaa tosolj zangiagaa zasaad shoron luu alhaad marsh


  • зочин · [202.9.46.161] · 2020/10/30

    хурцын аймшигт гэмт хэргийг анхан шатны шүүхэд буцаасан нь НӨГӨӨ ХУДАЛЧ ХУЛГАЙЧ ЦАХИАГИЙН ЭЛБЭГДОРЖИЙН ОРОЛЦООГ ТОДОТГОЖ ХАМТАД НЬ ШҮҮХТЭЙ ХОЛБООТОЙ БАЙХ ГЭЖ ЮМ МЭДДЭГ ХҮМҮҮС ЯРИАД БАЙГАА НЬ ҮНЭН БОЛОЛТОЙ. ДААНЧ МУУХАЙ ДАВАРСАН ЭТГЭЭД БОЛ ЭЛБЭГДОРЖ ЭНД ХАРИН ЦӨӨХӨН ГЭМТ ХЭРГИЙГ НЬ БИЧИЖ. ГЭХДЭЭ ҮНЭН ЗӨВӨӨР ШҮҮДЭГ БОЛ ЭНД ДУРДСАН ХЭРГЭЭР Ч ГЭСЭН НААД ЗАХ НЬ 40 ЖИЛЙИН ЯЛ АВАХААР БОЛОЛТОЙ