fbpx

Б.Баатар: "Хүүхдийн төлөө фонд"-ыг миний нэр дээр байгуулсанд нэг их санаа зовоод, хардаад байх хэрэггүй


Засгийн газраас хүүхдийн төлөө фондыг сэргээн байгуулж, 10 тэрбум төгрөгийн эх үүсвэрийг шийдвэрлэсэн бол Ерөнхийлөгчийн санаачилгаар “Хүүхдийн төлөө фонд”-ын үйл ажиллагааг сэргээж буйтай холбогдуулан анхны хуримтлал үүсгэх зорилгоор “Монгол соёл-Монгол хүүхэд” цахим тоглолтыг МҮОНТ-ээр шууд дамжуулж, иргэд, ААН, байгууллагуудаас нийт 2.2 тэрбум төгрөгийн хандив цуглуулсан.

Энэхүү үйл ажиллагааны талаар олон нийтийн зүгээс багагүй шүүмжлэл дагуулж байна. Цар тахлын үед бүхий л үйл ажиллагааг хааж, хөл хорионд байгаа үед ард иргэдээс хандив цуглуулсан, мөн Засгийн газар төрийн бус байгууллага байгуулан хувь иргэдээр толгойлуулсан нь хамгийн их анхаарал татаж байгаа юм.

Тодруулбал, "Хүүхдийн төлөө фонд" гэх арванхоёрдугаар сарын 17-нд улсын бүртгэлд бүртгэгдсэн НҮТББ-ын гурван хувьцаа эзэмшигчийн нэг, найруулагч Б.Баатар юм. Тэрээр олон нийтийн бухимдлыг төрүүлээд байгаа асуудлаар байр сууриа илэрхийлэв.

Тэрээр "Монголынхоо хүүхдүүдийн ирээдүйг сайхан байлгая гээд монгол туургатны уран бүтээлчид нэгдээд сайн санааны тоглолт хийлээ. Ер нь бид хүүхдээ анхаарах цаг болсон. Төрийн гурван өндөрлөг ч энэ талаар ярилцаж байсан зүйлс байсан юм билээ. Надад Соёлын яамнаас санал тавьсан. Гэхдээ Хүүхдийн төлөө фондыг сэргээн, үйл ажиллагаа эрхлэхэд Засгийн газрын хувьд зарим нэг хуульд өөрчлөлт оруулах хэрэгтэй байсан гэж ойлгосон. Он гараад “Засгийн газрын тусгай сангийн тухай хууль”-д нэмэлт өөрчлөлт оруулах бэлтгэж байгаа юм билээ.

Бас тоглолтыг зохион байгуулахаар гаднын уран бүтээлчидтэй харилцах шаардлагатай байсан учраас ТББ байгуулах шаардлага ч гарсан. Нөгөө талд, тоглолтыг шинэ жилийн үеэр зохион байгуулах, хүүхдийн төлөө бүтээн байгуулалтаа ч цаг алдалгүй хийх шаардлагатай байсан учраас түр ТББ байгуулсан. Хуулийг нь бэлэн болтол ингэж Төрийн бус байгууллага үүсгэн зарлаж хуримтлал үүсгэх нь зөв гэж үзсэн. Энэ болтол Соёлын яамнаас ТББ байгуулж тоглолтыг зохион байгуулж байгаагаар нь миний нэрийг тавьсан юм байгаа биз дээ. Түүнд нэг их санаа зовоод, хардаад байх хэрэггүй.

Харин Монголынхоо бүх ард иргэдэд, аж ахуйн нэгжүүдэд “Хүүхдийн төлөө За” гэж хэлсэнд баярлалаа. Нэг өдрийн дотор 10 хэдэн тэрбум төгрөг цугларсан анхны тоглолт боллоо. Миний хувьд тоглолт сайхан болсон. Бид хууль нь бэлэн болонгуут санд цугларсан хуримтлал хөрөнгийг, сангийнх нь хамт Засгийн газарт мэдээж шилжүүлнэ. Санаа зоволтгүй. Харин энэ олон хүний сэтгэл зүтгэлээр боссон сангийн үйл ажиллагаа цаашид тунгалаг сайхан байгаасай л гэж хүсэж байна.

Тоглолтыг зохион байгуулахад хамтран ажилласан МҮОНТ, өргөн нэвтрүүлгийн 10 гаруй телевиз,  урлаг спортын бүх одод, хандив өргөсөн нийт ард түмэн, байгуулагууддаа сайн сайхныг хүсье" гэжээ.

Эх сурвалж: shuurhai.mn  Г.ОЧИР

 


Энэ мэдээ таалагдаж байвал:


  • Зочин · [66.181.187.239] · 2021/01/01

    Хандивын мөнгө энэний дансанд орсон бол дашийн шог болно доо...


  • Зочин · [66.181.191.106] · 2021/01/01

    Дахин нэг луйвар ,дахин нэг дээрэм !Ядарсан ард түмэн ийм хэцүү цар тачхлын үед Хүүхдийн Фонд нэртэй Монголын ард түмний хойч үе болох үрсүүдиин нэрийг барьж худал тоглолт зб хүмүүс зайлшгүй арга хэмжээ авах хэрэгтэй.Ард түмэнийг минь хамгаалах хууль,засаг ,төр гэж бна уу?!


  • Зочин · [66.181.185.190] · 2021/01/01

    Муу новшийн пиздаа дүү Оюунэрдэнэ хуурай ах Женкотойгоо нийлж хэдэн борчуудыгаа дээрэмдэж байгаа юм биз дээ. Тийм л юм бол чамаас хэдэн төгрөг гарсаныг чинь харий лдаа.


  • Зочин · [66.181.179.160] · 2021/01/01

    Анхнаасаа хувийн данс руугаа хандивийг авах зохион байгуулалт хийгээд түмэн олны мөнгийг авчихаад баригдангуутаа бид тэр мөнгөнд шунахгүй гэж булзаад байгаад чинь итгэл үнэмшил төрөхгүй байна.


  • ардын элч · [192.82.69.18] · 2021/01/01

    яахав дээ хардаад байгаа улсуудыг ойлгох хэрэгтэй. Өнгөрсөн 30 жилд хүүхдийн гэсэн болгоныг төрд гарсан хулгайчууд хусчихсан болохоор одоо ард түний итгэл алдарчээ. Гэвч одоо өндийж байгаа залуустаа итгэх л хэрэгтэй. Тэд Эба болон түүний бүлгийн хулгайчид, сахал хэмээх хочтой нэрийг нь хэлэхээс цээрлэмээр луйварчид шиг биш гэдэгт итгэцгээе. Эд маань 90 онд төрд гөрсөн хулгайчдаас өөр шүү.


  • Баттулга · [150.129.142.81] · 2021/01/01

    Ийм луйварт итгээд мөнгө өгөөд байгаа хүмүүсийг ердөө ойлгохгүй юм. Надад тийм илүү мөнгө байсан бол би өөрөө хүүхдийн төлөө юм хийх байсан, хүнд өгөхгүй.


  • Зочин · [66.181.161.53] · 2021/01/01

    Yostoi buruudaa nudend huiten tsarai muutai hun bn


  • T · [202.9.46.199] · 2021/01/01

    Чи Хүүхдийн фондыг удирдаж чадахгүй. Мэдлэг чадвар хүрэхгүй. Тиймээс төрийн бус байгууллага биш, ХНХЯ-ны харьяа агентлаг болгох хэрэгтэй.


  • Иргэн · [202.21.108.138] · 2021/01/01

    Сайхан дүүгийн нэрийг хөөдөх вий дээ.