fbpx

Ш.Адьшаа: Авлига, оффшор, мөнгө угаах зэрэг том хэргүүдийг Дээд шүүх хянахгүйгээр шийдэх эрсдэлтэй байна


УИХ-ын гишүүн Ш.Адьшаа УИХ-аар хэлэлцэгдэж буй Шүүхийн тухай хуулийн төсөлтэй холбоотой асуудлаар мэдээлэл хийлээ. 

Тэрбээр "Монгол Улсын Үндсэн хуулиар олгогдсон хүний эрх ноцтой зөрчигдөж, шударга шүүхээр шүүгдэх, Улсын дээд шүүхэд давж заалдах эрх ноцтой зөрчигдөх нөхцөл үүслээ. Шүүхийн энэ хуулиар бүх хэрэг маргааныг анхан болон давж заалдах журмаар эцэслэн шийдвэрлэдэг тогтолцоо бий болгож байгаа нь дээд шүүхийг нь онолын шүүх байна гэдэг нэрийдлийн доор иргэний давж заалдах эрхийг байхгүй болголоо. Тус хуулийн 25.7.5 -ын а, б, в хэсэгт энэ талаар тодорхой заасан байна. Өөрөөр хэлбэл, Улсын дээд шүүх хууль хэрэглээний нэгдмэл байдлыг хангах зорилгоор давж заалдах шатны шүүхийн магадлалыг хянан шийдвэрлэх талаар л заасан байна. 

Хоёрдугаарт, авлига албан тушаалын гэмт хэрэг, оффшор бүсэд хөрөнгө байршуулах, мөнгө угаах, уул уурхай байгалийн баялаг ашиглах, үндэслэлгүйгээр хөрөнгөжих гэх мэт ноцтой гэмт хэргүүдийг дээд шүүхийн хяналтгүйгээр шийдвэрлэх боломжийг энэ хуулиар нээлттэй болгож байна. Үүнийг эрх баригчдын өөрсдийнхөө гэмт хэргийг хаацайлж ард түмнийг хохироох зорилгоор хийсэн хуулийн төсөл гэж үзэж байна. 

Мөн Монгол Улсын төрийн тогтолцооны тэнцвэр алдагдаж, шүүх засаглал бүхлээрээ хууль тогтоох байгууллагын хараат байдалд орж, олонхийг бүрдүүлж байгаа улс төрийн намаас шууд хамааралтай болох нөхцөлийг энэ хууль бий болгож төслийг өнөөдөр батлах гэж байна. Шүүхийн Ерөнхий зөвлөл, сахилгын хороо гэдэг үндсэн хуулийн бүтцийн байгууллагыг хууль тогтоох эрх мэдэл, бүхий УИХ-ын мэдэлд авч байна. Хуулийн төслийн 78.2-т УИХ-ын даргын захирамжаар байгуулж УИХ-ын гишүүнээр ахлуулсан ажлын хэсэг Шүүхийн Ерөнхий зөвлөлийн гишүүнийг сонгон шалгаруулахаар заасан байна. 

Засгийн газраас дөрөвдүгээр сард өргөн барьсан Шүүхийн хуулийн төслийг ажлын хэсгийн ахлагч Б.Энхбаяр 80 хувь өөрчилж, зарим зүйл заалтыг ажлын хэсэг дээр дэмжигдээгүй саналыг дэмжигдсэн хэмээн оруулж ирсэн нь хууль дээдлэх ёсыг ноцтой зөрчсөн гэж үзэж байна" гэв. 

Эх сурвалж: shuurhai.mn 


Энэ мэдээ таалагдаж байвал:


  • Зочин · [202.126.90.46] · 2021/01/13

    Энэ Адьшаагийн гаалийн авилгалын хэрэг яасан бэ?