fbpx

Т.Батбаяр гуай ходоод тайрах хагалгаанд орохоор болжээ

Нийгэм / Ерөнхийлөгч
2021/01/13

ХСҮТ-д ходоодны хавдрын мэс засалд орох байсан иргэн Т.Батбаярыг төлбөрийн хариуцагч эмч нь 25 хувь буюу 3 сая төгрөг төлөхийг шаардсанаас болж хагалгаа хийлгэж чадаагүй асуудал олон нийтийн анхаарлыг татсан билээ.

Амьдралын боломж тааруу тухайн иргэн яаралтай төлөх 3 сая төгрөгийг төлж чадаагүйгээс хагалгаанд орж чадаагүй, хөнгөвчлөх эмчилгээнд орж байгааг Livetv.mn олон нийтэд мэдээлж байв.

Ард олны дунд өндрөө авсан энэ асуудлаас болж ХСҮТ өндөр өртөгтэй хагалгааны зардлын 25 хувийг иргэдээс гаргадаг журмаа цуцалж, үнэ төлбөргүй болгож байгаагаа өчигдөр зарласан юм.

Түүгээр зогсохгүй өвчтөн Т.Батбаярт хагалгаа хийх боломжтой болсон сайхан мэдээг дуулгажээ. Тодруулбал, Хөвсгөл аймгийн Ринченлхүмбэ сумын иргэн Т.Батбаяр гуай руу УИХ-ын гишүүн, ХСҮТ-ийн Ерөнхий захирал асан Ж.Чинбүрэн   “Сонгдо” эмнэлэгт арванхоёрдугаар сарын 31-ний өдөр үзүүлсэн шинжилгээний хариунаас дүгнэлт хийж үзэхэд “Ходоод тайрах хагалгаанд оруулах боломжтой” байна гэсэн дүгнэлт гарсан. Яаралтай ирж шинжилгээнд хамрагдаад хагалгаанд ор"  хэмээн холбогджээ.

Т.Батбаяр гуай ирэх ням гаригт эмнэлэгтээ хэвтэхээр болсон байна. Хагалгаа нь амжилттай болж, урт удаан наслах болтугай.

Эх сурвалж: shuurhai.mn Г.ОЧИР

 

Энэ мэдээ таалагдаж байвал:

Сэтгэгдэл 3
Шуурхай.мн сайтад сэтгэгдэл нийтлэхэд анхаарах зүйлс
  • azaa · [2.223.40.73] · 2021/01/14

    ayagui bol hort havdar ni suuliin shatandaa orson hoino ni olnii hel amiig darah gej hagalgaa hiisen ner zuukh gej bga, Bukh yumanad tsag hugatsaa gej bii. Yagaad tuhain ued ni darui oruulj hunuu amiig avraagui yum be. Muuhai luivarchid

  • иргэн · [192.82.68.3] · 2021/01/13

    ХСҮТ-ийн эмч нар үнэхээр мөнгө нэхдэг юм билээ. Өвчнөөс салгахаа бодоод яаж ийгээд л өгөхийг боддог. Өгөхгүйй бол яах ч юм билээ гэж бодогддог л юм билээ. Батбаяр гуайн буянаар олон хүн аврагдах болтугай

  • хүннү · [202.179.24.187] · 2021/01/13

    Энэ хүн өдийд эмчлэгдээд эрүүл болох шатандаа лрох байсан. ХСҮТөвийн эмч мөнгө нэхсэн. Аймаар байгаа биз. Түүнээс болоод энэ хүн гомдоод явчихсан. Мөнгө нэхээгүй байсан бол өдийд сайхан болчихсон байх байлаа. Энэ бол төлбөр биш шүү “хахуул” нэхсэн. Яагаад тэр эмч юу ч болоогүй мэт ажлаа хийж байна аа. Хамгийн гайхалтай нь энэ.