Н.Баяртсайханы 1.2 тэрбумын хэрэг ил болж байна, цаана нь бас их юм бий


Монгол банкны Ерөнхийлөгч Н.Баяртсайхан Авлигатай тэмцэх газрын хараанд өртөөд байна. Түүнийг албан тушаалаа урвуулан ашигласан гэх хэд хэдэн асуудлаар буруутгах үндэслэлтэй ажээ. Долларын ханшийг тэнгэрт тултал гааруулж, төгрөгийг үнс нурам шахуу болтол сулруулан улс орноо банк санхүүүгийн хямралд хүргэсэн бүтэлгүй этгээд хэмээн жил гаруйн өмнөөс УИХ-ын зарим гишүүд мань эрийг ажлаа өгөхийг шаардаж байлаа. Гэвч УИХ-ын дарга Г.Занданшатар тэргүүтнүүд нь тэдний шаардагыг үл тоосоор өдий хүрсэн юм. Харин одоо Авлигатай тэмцэх газраас шалгаж эхэлсэн нь тун сайн хэрэг.

Тэрээр дур мэдэн Монгол банкны бүтэц, орон тоог хоёр зуу гаруй хүнээр нэмэгдүүлэн,  мэргэжлийн бус хүмүүсээр дүүргэж амжсан байна. 2016 оноос хойш ажилд орсон хүмүүсийн ихэнх нь түүний ах дүү, төрөл төрөгсдийнхнөөс гадна Увс аймгийнхан зонхилж буй аж. Жишээлэхэд, эхнэрийнхээ дүү Батмөнх гэгчийг Лондон дахь төлөөлөгчийн газарт томилсон байна. Мөн авга ахынх нь хүү Монгол банканд мэргэжилтэн болсоноос гадна төрсөн эгч, нагац эгчийнх нь охид ч тус банканд мэргэжилтнээр ажиллах болжээ. Түүнчлэн Монгол банкны Тамгын газарт танил талын тавиулууд цөөнгүй. Сангийн сайд Ч.Хүрэлбаатар, Хууль зүй дотоод хэргийн сайд Ц.Нямдорж, Боловсрол, соёл шинжлэх ухааны сайд асан Л.Гантөмөр мэтийн хүмүүс өөрсдийн төлөөллөө бас чихэж орхиж.

Төгрөгийн худалдан авах чадвар эрс муудаж буйн нэг шалтгаан гэвэл өнөөгийн Банк бус санхүүгийн байгууллагын эзэд голцуу Монгол банк,  Хөгжлийн банк, Төрийн банкны удирдлагуудын гарын хүмүүс байгаатай холбоотой юм. Өөрөөр хэлбэл, тэд ийм сүлжээгээр дамжуулан “Мөнгө угаадаг” юм байна. Тухайлбал, Төрийн банкны орлогч захирал Н.Батгэрэлийн “Гэрэлфинанс”, тус банкны газрын захирал Х.Эрдэнэбилэгийн “Бүрэнтөгрөг”, Хөгжлийн банкны хэлтсийн захирал Н.Будбаярын “Женералфинанс”, Монголбанкны салбарын захирал Т.Ган-Одын “Ялгуулагч”, Монголбанкны салбарын захирал Ц.Мөнхбаярын “Баруун-Урт хөгжил”, тус банкны газрын захирал Т.Амарсайханы “Бат энд инвест”,  ахлах хянан шалгагч Д.Ганбатын “Арвис-Итгэл", хэлтсийн захирал П.Эрдэнэтуяагийн “Болд кредит” ( П.Эрдэнэтуяа нь Ерөнхийлөгч асан Ц.Элбэгдоржийн бэр юм),УИХ-ын гишүүн Л.Энхболдын “Ирээдүй Инвест” ББС, УИХ-ын гишүүн Ж.Энхбаярын “Газар капитал партнерс” ББСБ гээд нэлээд урт дараалалтай, 30 орчим хувийн өндөр хүүтэй, мөнгө хүүлэлтийн сүлжээний бүлэглэл үүсчээ. Эдгээрийн цаана өдгөө Н.Баяртсайхан гол үүрэг гүйцэтгэдэг  бололтой. Иймээс шалгах нь зүйн хэрэг.

Мөн Н.Баяртсайхан нь хэдэн жилийн өмнө дампуурсан “Анод” банкны хадгаламж эзэмшигчдийн барьцаагаар Монгол банканд хураагдсан 1.2 тэрбумын өртөг бүхий дутуу баригдсан 3 хаусыг автомашины грашийнх нь хамт хувьдаа авах луйврын санаа сэдэн дураараа туйлж байгаа ажээ.  Гэтэл “Анод”-ын хадгаламж эзэмшигчид өнөөг хүртэл сохор зоосч авч чадаагүй хохирсоор яваа юм.

Баянзүрх дүүргийн 18 дугаар хорооны нутаг дэвсгэр дэх 61 дүгээр байрны хоёр айлын орон сууцыг Н.Баяртсайхан өөрийн жолоочийн гэр бүлд “бэлэглэсэн” гэх хэрэг ч бас саяхнаас ил болж байна. Монгол банкыг толгойлох болсоноос хойш мань эр үнэндээ яаж хувьдаа ахиухан мөнгө босгох вэ гээд тархиа гашилгаж суусан нь энэ бүхнээс тов тод харагдаад байгаа юм. Эдгээрээс гадна өөр олон ноцтой баримт удахгүй нийтийн сонорт хүрэх биз. Юутай ч шалгалтын ажил эхэлсэнд талархууштай.

О.Баяр

Шуурхай.мн


Энэ мэдээ таалагдаж байвал:


  • Зочин · [43.242.242.42] · 2 цагийн өмнө

    Ерөнхийлөгч, Ерөнхий сайд нар ийм хүмүүстэйгээ эхэлж тэмцмээр юм даа. Ийм хүмүүс төр барьж байгаа учираас монгол улс, ард түмэн маань хөгжихгүй, банкны өрөнд дарлуулаад сууж байна. Энэ төрийн бодлогыг банкны хүүг хэн хэзээ зоригтойгоор өөрчлөх бол тэр үед олон хүний нүдэнд ...........


  • зочин · [124.158.73.28] · 4 цагийн өмнө

    Тээр жил Сангийн яамыг баахан самарсан, Монгол банкийг дуусгаж байгаа юм байна л даа, ер нь энэ Увсынханд нам хамаардаггүй юм гэсэн үнэн байх аа, эд нараар хэзээ болтол тоглуулах юм бол доо хөөрхий


  • иргэд олон түмэн · [59.153.115.146] · 2019/09/09

    Энэ нам энэ луйварчид төрийн толгойд байгаа цагт энэ хүн хариуцлага хүлээдэг юм бол маргааш нь нар сонгино хайрханы араар мандах биздээ.


  • бодлын хулгайч · [66.181.167.53] · 2019/09/09

    АШГҮЙ ДЭЭ. БӨӨН ЮМ Ч БОЛНО ДОО. ҮНЭНЭЭР НЬ ШИЙДЭЭРЭЙ ХУУЛЬЧИД МИНЬ. АРД ТҮМЭН ХАРЖ БАЙНА.


  • иргэн · [66.181.170.215] · 2019/09/09

    энэ нөхөр одоо болтол тэсээд байна гэдэг нь дээрхи нөхдүүд санхүүжүүлээд байна гэсэн үг байхдаа, хөөрхийдөө Капитал банк үгэнд нь ороогүй гээд хашрааж бусад банк, зээлийн хоршоодод сануулага өгч байна...........


  • Olgiorhyydiig?... · [148.60.92.227] · 2019/09/07

    sorond ni yabyylaachee!!!


  • Зочин · [202.179.26.192] · 2019/09/07

    Увсынхан Монгол банк, Сангийн яам, СЗХ ер нь санхүүгийн салбарыг тэр чигээр нь эзлэн авч, Цэдэнбалыг магтан ыөйшааж, түүний зөвхөн Увс хүнийг дэвшүүлнэ гэсэн хорон санааг үргэлжлүүлж байна. 90 оны үед сэхээтнүүд энэ үзлээс үүдэн түүнийг үзэн яддаг байсныг бүгд мартчихсан байх юм. Ордны цэвэрлэгчийг хүртэл Увс, ховдоор сольж байсны амьд гэрчүүд байна шүү. Энэ нөхөр бол Увс гэсэн үзлээр хүмүүжсэн луйварчин юм.


  • Зочин · [103.26.195.175] · 2019/09/07

    Монгол банкны олон мэргэжлийн боловсон хүчнийг элдэв шалтаг, шалтгаанаар халж, өөрийн ах дүүс, амраг садан, хамсаатнуудаа байршуулсан нь харин бодит үнэн шүү...


  • bat · [202.9.42.162] · 2019/09/07

    Одоо монгол улс хөгжих гарц нь Үндсэн хуулинд параламентаа 2 танхимтай болгох өөрчлөлт оруулаж төрд ард түмний хяналт хэрэгтэй боллоо


  • мэднэ · [66.181.176.128] · 2019/09/07

    САН сургуулийг хамтран байгуулагч энэ нөхрийг зайлуулах боломж алга уу? ХЭНД хэрэгтэй болоод байлгаад байгаа юм вэ?


  • ZOCHIN · [180.150.82.98] · 2019/09/06

    SHORON LUUGAA.YVDAA. MONGOL HUMUUSIIN TULUU ZUTGEJ CHADAHGUI BOL DAHIN BUU TURD SHURGAL...


  • Монгол хүн · [202.179.26.192] · 2019/09/06

    Энэ нөхөр өмнө нь төрийн том барилга хувьчлан аваад мөнгийг нь Голомт банкаар төлүүлэн, оронд нь сангийн сайдын албан тугшаалаа ашиглан төрийн хамаг мөнгийг Голомтод байршуулан хариуд нь нөгөө Голомтоос авсан зээлээ цайруулсан гэдэг. Том гэмт хэрэг байгөаа биз. Энэ албан тушаалд очоод нутаг ус найз нөхдөөрөө Монэгол банкыг дүүргэж, мафийн сүлжээг бий болгосон ба бүх тендерийг зөвхөн Увс хүнд өгдөг гэж байгаа. Капитал банкыг өөртөө ашигтайгаар дампууруулж, тэр банкны олон зуун тэрбумын өрөний барьцаанд тавигдсан олон зуун тэрбумын үл хөдлөх хөрөнгийг хэн ч авахгүй тийм хөрөнгөөр солин авч, өөлдтэй өнгөтэй болгоныг хамаарал бүхий Капитал банкны эздийн мэдэлд шилжүүлэн өгөх ажлыг улайран зорион байгуулж, нутаг усныхантайгаа хуйвалдаж байгаа тухай хаа сайгүй ярьцгааж байнаа. Мөн төгрөг ба ам.долларын ханшны зөрүүгээр ихээхэн ашиг олж байгаа сурагтай байна. Золжаргалтай ч дөрөө харшуулж байгаа сурагтай. Ийм бузрын шуналтнуудыг нэн даруй албан тушаалаас нь зайлуулж, хуулийн байгууллагад шилжүүлэх нь зүйд нийцнэ. Ард түмэн чухамхүү ийм этгээдүүдэд л хариуцлага тооцохыг шаардаж байгаа шүү дээ.