"Эрчим" клуб 2019 оны аваргаар тодорлоо

Өнгөрсөн долоо хоногт спортын төв ордонд волейболын Залуучуудын УАШТ болж өчигдөр /2019.09.29/ дүнгээ гаргасан бөгөөд эрэгтэй төрөлд "Эрчим” клуб, эмэгтэй төрөлд "Энагурэ” клубууд тус тус аваргаар тодорлоо.

Энэ жилийн залуучуудын УАШТ-д эмэгтэй 11, эрэгтэй 9 багийн 300 гаруй тамирчид оролцсон. Эрэгтэй хүрэл медалийн төлөө Хос Бар RKH болон Алтайн Барс Хилчин клубууд хооронд болж 3-1 харьцаатай Р.Хангай дасгалжуулагчтай Хэнтий аймгийн Хос Бар RKH клуб хожил байгуулж хүрэл медалийг хүртсэн. Хүрэл медалийн төлөөх тоглолтонд Хос Бар RKH клуб 25-20, 25-21, 20-25, 25-22 харьцаатай ялалт байгуулснаар залуучуудын УАШТ-ээс анхны медалиа хүртэж байна. Аваргын алтан медалийн төлөө ДЦС-IV ТӨХК-ий "Эрчим” клуб болон Хасу мегаватт ХХК-ий "Мегастарс” багууд өрсөлдөж "Эрчим” клуб хожил байгуулж 2019 оны залуучуудын УАШТ-ий алтан медалийн эзэд болжээ.

Эрэгтэйчүүдээс "Эрчим” клуб аваргын алтан медалийн эзэд болсон бол "Мегастарс” клуб, "Хос Бар RKH” клуб мөнгө, хүрэл медаль хүртлээ.Харин эмэгтэйчүүдээс "Энагурэ” клуб алтан медаль хүртэж, "Тэнүүн-Огоо” клуб мөнгө, "Хилчин-Ти Жи” клуб хүрэл медаль тус тус хүртсэн байна.  Тус тэмцээний "Шилдэг хамгаалагч”-аар "Энагурэ” клубын Н.Баасанжав (эмэгтэй), "Хос Бар RKH” клубын Э.Энхманлай (эрэгтэй), "Шилдэг довтлогчоор "Тэнүүн-Огоо” клуб Б.Цолмон (эмэгтэй), "Мегастарс” Э.Энх-Амгалан (эрэгтэй), "Шилдэг холбогч”-оор "Хилчин-Ти Жи” клуб Д.Намуун (эмэгтэй), "Эрчим” клуб О.Золбоо (эрэгтэй), Тэгш тоглогч буюу Үнэ цэнэтэй тоглогчоор "Энагурэ” клуб С.Булгантамир (эмэгтэй), "Эрчим” клуб Б.Батсуурь (эрэгтэй) нар тус тус шалгарлаа.