Нийгэм / 2019/10/22 / 3

Г.Ундармаа: Өдөрт 1800 тонн шахмал түлш үйлдвэрлэж байна



Нийслэлийн Засаг дарга бөгөөд Улаанбаатар хотын Захирагч С.Амарсайхан өнөөдөр “Таван толгой түлш” ХХК-ийн үйлдвэрлэлийн явц, борлуулалт, түгээлт, нөөцлөлт ямар шатанд хийгдэж байгаатай газар дээр нь очиж танилцан ажиллалаа.

“Таван толгой түлш” ХХК-ийн борлуулалт хариуцсан захирал Г.Ундармаа “Сайжруулсан шахмал түлшний борлуулалт 359 цэгээр тогтмол хийгдэж байна. Долоо хоногт айл өрхүүдэд зургаан шуудай түлш картаар өгч байгаа. Картаа аваагүй иргэд хорооны Засаг даргаас авна. Иргэдэд картны хэрэглээг хэвшүүлэхийн тулд хичээлийн бус цагаар ажиллах хүсэлтэй оюутан, залуусыг цагийн ажилтнаар авч борлуулалтын цэгүүдэд картны хэрэглээг зааж, зөвлүүлж ажиллуулж эхэлсэн. Түлшний үйлдвэрлэлийн үйл явц одоо 7 шугамаар 24 цагийн турш явагдаж байна. Нийслэлийн Мэргэжлийн хяналтын газраас тогтмол хяналт тавьж ажиллаж байгаа. Өдөрт 1800 тонн шахмал түлш үйлдвэрлэж байна” хэмээв.

Хотын Захирагчийн зүгээс тулгамдсан ямар асуудал байгааг асууж тодруулан, цаашид хийж хэрэгжүүлэх ажлын талаар “Таван толгой түлш” ХХК-ийн ажилчидтай санал солилцов. “Шахмал түлшний түгээлт, борлуулалтын цэгүүдийн уялдаа холбоо муу, хангалтгүй байна. Орц найрлагын тогтсон горимд Мэргэжлийн хяналтын байгууллагын 24 цагийн хяналт дор түлшийг үйлдвэрлэж байгаа нь сайн байна. “Таван толгой түлш” ХХК үйлдвэрлэлийн хэвийн үйл ажиллагаагаа алдагдуулахгүй ажиллах нь чухал” гэдгийг Хотын Захирагч С.Амарсайхан хэллээ. Мөн тэрбээр дутуу шугамыг яаралтай ашиглалтад оруулах шаардлагатай гэдгийг “Таван толгой түлш” ХХК-ийн холбогдох албаны хүмүүст үүрэг болгосон юм.

Нийслэлийн ЗДТГ-ын Хэвлэл мэдээлэлтэй харилцах хэлтэс



  • ААК · [72.52.87.172] · 2019/10/23

    UTAA 80 HUVI BAGASSAN BAINA LEE, URAGSHAA, IRGED UURSDUU AYULGUI BAIDLAA SAIN HANGAH HEREGTEI SHUU, AMJILT


  • зочин · [66.181.161.96] · 2019/10/23

    утаанаасаа салах нь зайлшгүй тулгамдсан асуудал үүнээс өөр сонголтгүй цаг үеийн тулгамдсан асуудал болгон хүний эрүүл мэнд амь насаар дэнчин тавьсан тулгалт хийсэн ажил хийж байгаа нь монголын төрийн арчаагүйнх энэ их нүүрсний ордууд байхад орд дээр нь орчин үеийн технолигтой цахилгаан станц барьчихсан бол эрчим хүчээр шийдэх боломж монголд хангалтттай бий зөвхөн хүсээгүйд их учир бий дээ утааны төлөө зарсан мөнгийг тооцоход шинэ эрчим хүчний шийдэлтэй импортгүй цаашилбал эрчим хүч уур дулаанаа дагсан үйлдвэрлэл ажлын байр шинэ технологи хэмнэлт эдийн засгийн үр ашиг ирээдүйн хөгжил эрүүл монгол иргэд энэ улс өр биш үр дүн авчирахыг тооцож ажил болгоддоггүй төрийн сэнтийд зүтгэгсэдийг даруй зайлуулах хэрэгтэй дээр нь нэмэр болохоосоо нэрмээс болдог иргэний хөдөлгөөнүүдээ хуулиар зохицуулахгүй бол монгол орноор эх орон ч нэртэй эх оронч биш замбараагүй байдлыг бий болгогсод тоглож дуусах шинжтэй боллоо доо нэг бол дураараа дуртай болгоноор нь улсынхаа хувь заяаг шийдүүлэхүү ?


  • м · [66.181.168.8] · 2019/10/22

    нийлүүлэлт нь эрэлтээ дийлэх нь үү