АРХАНГАЙ АЙМГИЙН МАЛЧИД УЛААНБААТАРТ ЗӨВЛӨЛДӨЖ БАЙНА


Архангай аймгаас сонгогдсон Улсын Их Хурлын гишүүд болон тус аймгийн нутгийн зөвлөл хамтран 2019 оны 12 дугаар сарын 5-ны өдөр Архангай аймгийн малчдын зөвлөгөөнийг Төрийн ордонд зохион байгуулж байна. Зөвлөгөөнийг УИХ-ын гишүүн Ж.Мөнхбат нээж үг хэлэн УИХ-ын дарга Г.Занданшатар, УИХ-ыг гишүүн, Засгийн газрын гишүүн, БСШУС-ын сайд Ё.Баатарбилэг, УИХ-ын гишүүн Г.Тэмүүлэн нар баяр хүргэж, мэндчилгээ дэвшүүллээ.

Мөн Засгийн газар, холбогдох яам, агентлагийн удирдах албан тушаалтан, хөдөө аж ахуйн салбарын эрдэмтэн, судлаачид оролцож “Төрөөс мал аж ахуйн салбарын талаар баримтлах бодлого, цаашдын зорилт”, “Мал эмнэлгийн гэрчилгээ, баталгаажуулалтын системийн тухай”, “Малчдын эрүүл мэндийн асуудал”, “Малын халдварт өвчнөөс урьдчилан сэргийлэх, тэмцэх арга хэмжээ”, “Малчдын хүнсний аюулгүй байдал-Хуванцар савнаас татгалзах нь”, “Архангай аймгийн бэлчээрийн төлөв байдал”, “Малын чанар ашиг шимийг нэмэгдүүлэх арга зам” зэрэг сэдвээр илтгэл тавьж, мэдээлэл хийж байна.

Зөвлөгөөнд тус аймгийн сум бүрээс 50 малчин оролцож, санал бодлоо солилцож байна. Тэд мал аж ахуйн үйлдвэрлэл, бэлчээрийн ашиглалт, хамгаалалт, малчдын хөдөлмөр эрхлэлт, малчдын хүүхдийн сурах орчин, дотуур байрны хангамж, малын хулгайтай тэмцэх зэрэг асуудлаар байр сууриа илэрхийлж, нэгтгэн зөвлөмж гаргах ажээ.

 


Энэ мэдээ таалагдаж байвал:


  • Зочин · [202.21.100.202] · 2019/12/06

    архангайн малчид улаанбаатарт зөвлөлдөөд л, Улс үнэхээр дампууржээ


  • зочин · [103.57.94.101] · 2019/12/06

    Архангайд малчид зөвлөлдөх газар олдохгүй нийслэлд ирж үргүй зардал гаргаж л байвал зөвлөлдсөн болсон уу. Аймгийн засаг ноён юу бодож суудаг бол. Малчдаа гадуурхаа юу


  • Зочин · [66.181.179.213] · 2019/12/06

    За энэ арай хэтэрнэ дээ одд улсынх биш аймаг болгоноор хийжулс торчих юм байна л даа ардын нам арай л байна даа


  • alna shvv · [202.55.191.205] · 2019/12/05

    Алимаа гөлөг минь ард чинь алхаж байгаа шүү. харамсав хэлсэн үгэндээ. Гаталаа зөв өмсөж, гишгэж сурчихаад хуцаарай


  • Алимаа · [202.55.191.205] · 2019/12/05

    Төрийн ордондоо дараа нь миссийн тэмцээн зохиогоорой.