fbpx

Архангайн иргэд ураны хайгуул, олборлолт хийхийг эсэргүүцэв


Архангай аймгийн Өндөр улаан сумын “Гурван гол” хөдөлгөөний Удирдах зөвлөлийн гишүүн Ц.Баярхүү болон холбогдох албаныхан “Үндэсний мэдээллийн төв”-д ураны олборлолтыг эсэргүүцэж мэдээлэл хийсэн юм. Архангай аймгийн Өндөр улаан, Жаргалант, Тариат сумдыг дамнасан ураны хайгуул, олборлолтын лизенцийг тэд олон удаа эсэргүүцэж 2011 онд цуцлуулсан боловч өнөөдөр  дахин сэргээгдээд, анхан шатны шүүх дээр гурван сумын Засаг даргыг Байгаль орчин нөхөн сэргээлт  менежментийн төлөвлөгөөн  дээр гарын үсэг зураагүй гэсэн шалтгаанаар ял тооцох гэж байгааг дуулгав. Энэ тухай “Гурван гол” хөдөлгөөний тэргүүн Мөнхбаяр “Архангай аймгийн Өндөр улаан, Жаргалант, Тариат сумын онцлог нь хүн, мал шигүү суурьшсан, байгалийн унаган төрх нь эвдэгдээгүй, Улаан номд бичигдсэн, ховор ан амьтантай, нэн ховор эмийн ургамлуудтай нутаг. Тиймээс энэ нутагт ураны олборлолт явуулах гэж байгааг нутгийн иргэд бид эсэргүүцэж байна. Энэ төрийн бодлого уу, эсвэл төрийн нэр барьсан нам эвсэл, бүлэглэлийн бодлого уу?.  Энэ нь дээрх гурван сумын асуудал биш юм. Хангайн бүсийн төвийн нутагт яагаад заавал ураны олборлолт явуулах гээд байна вэ?. Үүнийхээ төлөө нутгийн иргэдийг айлгах, сүрдүүлэх ятгах бодлого явуулж байгаа нь ардаа олон хардлагыг төрүүлж байна. Энэ бүхний эцэст төр завших юм уу, ард иргэд хохирох юм уу. Хойч үе хордох уу, хоосон нутагт үлдэх үү гэдгийг дахин сайн бодох хэрэгтэй байна. Нутаг усаа унаган төрхөөр нь авч үлдэхийн төлөө бид  эсэргүүцсээр байх болно. Тиймээс төр захиргааны байгууллагууд энэ асуудалд яаралтай арга хэмжээ авч өгнө үү” гэсэн юм.


Энэ мэдээ таалагдаж байвал:


  • Иргэн · [66.181.188.22] · 2019/12/10

    Уран ухахаар хордоно гэж хэн хэлээд, мэдээд байна аа?! Хурц гуай юу?! Ухаад, хордоод үзчихсэн мэт худлаа мэдэмхийрээд байх юм. Одоо үед чинь технологи хөгжөад ураныг газрын гүнд нь олборлодог болсон ш дээ


  • /*-*/ · [49.0.212.116] · 2019/12/10

    Зүйтэй зүйтэй дэмжиж байна, ер нь тэр сайхан хангай нутгаа харь гаригийн мэт тамын орон болгоод дундаас нь жоохон хөрөнгөжөөд, юмжаад авья гэх монголын дайсан цөөн байх гэж найдая


  • мандах · [103.229.121.249] · 2019/12/10

    энэ сайхан хангайг төнхвөл шууд буудах хэрэгтэй арын сайхан хангайн ханагар мундаг эрчүүд минь газар бүхнээс та нарыг дэмжих болно