Энэтхэг, Монголын хамтарсан сүүний хөгжлийн хөтөлбөрийг дөрөвдүгээр сараас хэрэгжүүлнэ


ХХААХҮ-ийн сайд Ч.Улаан, Бүгд Найрамдах Энэтхэг Улсаас Монгол Улсад суугаа Онц бөгөөд Бүрэн Эрхт Элчин сайд Мохиндер Пратап Сингхийг хүлээн авч уулзлаа. 

Уулзалтаар Монгол Улсын Ерөнхийлөгчийн тус улсад хийсэн айлчлалын үеэр байгуулсан “Малын эмнэлэг, сүү, сүүн бүтээгдэхүүний салбарт хамтран ажиллах тухай Монгол Улсын Хүнс, хөдөө аж ахуй, хөнгөн үйлдвэрийн яам, БНЭУ-ын Мал аж ахуй, сүү, сүүн бүтээгдэхүүн болон загасны аж ахуйн яам хоорондын ажлын төлөвлөгөө”-ний хэрэгжилт болон шинээр эхлүүлэх “Энэтхэг, Монголын хамтарсан сүүний хөгжлийн хөтөлбөр” төслийн талаар санал солилцлоо.

БНЭУ өнөөдөр хамгийн том сүү үйлдвэрлэгч улс болон хөгжиж, жилд 175 сая тонн сүүг үйлдвэрлэснээр энэ салбарт дэлхийн зах зээлийн 21 хувийг эзэлж байна. “Үер операци” /Operation Flood/ дэлхийн сүүний хөгжлийн томоохон хөтөлбөрийг 1970 оноос эхлэн хэрэгжүүлж, орон нутгийн жижиг фермерээс хотын хэрэглэгч хүртэлх бүхий л шат дамжлагыг уялдаатай хөгжүүлж, ханган нийлүүлэлтийн тогтвортой тогтолцоог бий болгосон юм. Энэхүү туршлагыг Монголд нэвтрүүлэхэд хамтран ажиллаж “Энэтхэг, Монголын хамтарсан сүүний хөгжлийн хөтөлбөр” төслийг энэ оны дөрөвдүгээр сараас хэрэгжүүлэхээр боллоо.

Төслийн хүрээнд Энэтхэгийн Сүүний Хөгжлийн Зөвлөл (National Dairy Development Board - NDDB), Мужхкува сүүний хоршооллын нийгэмлэг, АМУЛ хоршоолол зэрэг байгууллагатай хамтран ажиллаж, институтцийн хөгжил, уур амьсгалын өөрчлөлтөд тэсвэртэй бүтээгдэхүүн үйлдвэрлэл, маркетинг, менежмент мониторинг гэсэн 4 үндсэн чиглэлийн үйл ажиллагааг хэрэгжүүлнэ.  

Эх сурвалж: ХХААХҮЯ


Энэ мэдээ таалагдаж байвал:


  • Зочин · [207.6.112.23] · 2020/02/05

    Yandaa enethegchuud ch estoi ene delhii deer baih buh luivriig hiij bgaa. Itgemtgii teneg mongolchuud ch estoi suirsen deeree suireh um bn daa. Ondor hogjiltei ornuud hurtle online, suljeenii yanz buriin luivriig ni diilehgyu baihad mania nogoo urvagch toriinhon ireeduid hyataduudaa oruulj ireh anhnii alham bolgoj enetheguudeer ehelj bgaa um bn