Нийгэм / 2018/01/18 / 1

Барилга хот байгуулалтын яам ААН байгууллагуудын цагийг хэмнэсэн шинэ систем нэвтрүүллээ



Монгол Улсын барилга бүтээн байгуулалтын салбарт томоохон шинэчлэл хийгдлээ.Найман засгийн газрын үед шийдлээ хүлээж байсан Барилга байгууламжийн зураг төсөл боловсруулах, барилгын ажил гүйцэтгэх, өргөх байгууламж, түүний эд ангийн үйлдвэрлэл, угсралт, засвар үйлчилгээ эрхлэх хуулийн этгээдэд тусгай зөвшөөрөл олгох үйл ажиллагааг цахимжуулах программыг хүлээлгэн өгөх ёслолын үйл ажиллагааг нээж,  Монгол улсыг засгийн газрын гишүүн, Барилга, хот байгуулалтын сайд Х.Баделхан үг хэлж, Барилга, барилгын материалын үйлдвэрлэлийн бодлогын хэрэгжилтийг зохицуулах газрын мэргэжилтэн Д.Батзориг танилцуулга хийлээ.   

  Тэрээр:  Цахим программын ач холбогдол нь олон шат дамжлага дамжиж хүний гараар шалгадаг байсан ажлын ачааллыг багасгаж, инженер, техникийн ажилчдын давхцалыг арилгаж, тусгай зөвшөөрөл эзэмшигчдийн үйл ажиллагааг чанаржуулах, иргэдэд түргэн шуурхай үйлчлэх төрийн үйл ажиллагааны үр өгөөжийг дээшлүүлэх томоохон алхам нээгдэж байгаад оршино. Мөн цахим шилжиснээр тусгай тусгай зөвшөөрөл хүссэн бичгийн автоматаар авна, иргэн аж ахуй нэгжийн мэдээллийн сан бий болгоно, тусгай зөвшөөрөл авахаас эхлээд бүх системд хүний гар оролцохгүйгээр автоматаар хийгдэх ийм сүлжээнд шилжиж байгаа юм. Ингэснээр төрийн байгууллагуудын мэдээлэл солилцооны  системд холбогдож, Боловсрол, соёл шинжлэх ухаан, спортын яам, Оюуны өмч, улсын бүртгэлийн ерөнхий газар, Нийгмийн даатгалын ерөнхий газар зэрэг байгууллагуудын мэдээлэлтэй тулгалт хийж шалгах боломжтой болж байгаа юм. Төрийн үйлчилгээг түргэн шуурхай хүртээмжтэй хүргэх,  Барилгын салбарын инженер, техникийн ажилчдын нэгдсэн мэдээллийн сан бүрдэх, салбарын бодлого боловсруулахад шаардлагатай суурь мэдээлэл, тайлан, мэдээ гаргах нөхцөл бүрдэх, тусгай зөвшөөрөлтэй аж ахуйн нэгж байгууллагууд холбогдох журамд заасан шалгуурыг ханган ажиллаж байгаа эсэхэд тавих хяналт, төр, иргэн, аж ахуйн нэгж байгууллагуудын харилцан итгэлцлийг бэхжүүлж, нээлттэй ил тод байдал сайжирна гэж салбарын хүмүүс ихэд онцоллоо. Барилга байгууламжийн зураг төсөл боловсруулах, барилгын ажил гүйцэтгэх,барилгын материалын үйлдвэрлэл, өргөх байгууламж, түүний  эд ангийн үйлдвэрлэл, угсралт, засьар үйлчилгээ эрхлэх хуулийн этгээдэд тусгай зөвшөөрөл өгөх ажлыг  ts.mcud.gov.mn хаягаар  хүлээн авч эрх зүйн зохицуулалтын зүгээс  10 хоногийн дотор ямар нэгэн хариу өгөх юм байна.   Ингэснээр аж ахуй нэгж байгууллагуудын цаг завийг хэмнэх бас нэгэн шинэчилсэн ажил болж чадна хэмээн онцоллоо.

Тус ёслолын үйл ажиллагаанд Барилга, хот байгуулалтын дэд сайд Ш.Лхамсүрэн, төрийн нарийн бичгийн дарга С.Магнайсүрэн, төрийн захиргаа удирдлагын газрын дарга У.Отгонбаяр, Барилга, барилгын материалын үйлдвэрлэлийн бодлогын хэрэгжилтийг зохицуулах газрын дарга С.Соёмбоо, Барилгын хөгжлийн төвийн захирал Ц.Амарсанаа, гүйцэтгэгч байгууллагын төлөөлөл н.Золбадрал, Монголын барилгын үндэсний ассоциацийн ерөнхийлөгч Д.Цэрэнжигмэд нар оролцлоо.

                     

 

 

                                                                                                             Эх сурвалж Л.Дима Шуурхай.мн



  • Zochin · [103.50.207.111] · 2018/01/19

    Ajildaggui l yum bn shd