Баянгол, Веранда, Ариг ресторан, ICC Tower-т очиж үйлчлүүлсэн иргэд өөрсдийгөө тусгаарлахыг зөвлөж байна
2020/03/10
2020 оны 03 дугаар сарын 02-ны өдөр Москва-Улаанбаатар чиглэлийн “Аэрофлот” компанийн онгоцоор ирсэн Бүгд Найрамдах Франц Улсын иргэнээс Шинэ коронавирусийн халдвар илэрлээ.
Тухайн иргэнийг Дорноговь аймагт тусгаарлан, давтан шинжилгээ хийж эхний хариуг баталгаажуулах юм. Нэгдүгээр хавьталд орсон 120 гаруй хүнийг тусгаарлан шинжилгээ авч, дам хавьталд орсон 500 гаруй хүнийг олж тогтоож байна.
Энэ хугацаанд Баянгол, Веранда, Ариг ресторан, ICC Tower-т очиж үйлчлүүлсэн иргэд өөрсдийгөө тусгаарлан, сэжигтэй шинж тэмдэг илэрвэл Халдварт өвчин судлалын үндэсний төвд хандахыг зөвлөж байна.
Франц Улсаас зөөвөрлөгдөн ирсэн халдварыг тархахаас сэргийлж нийслэл, аймаг, сумаас гарах хот хоорондын зорчигч тээвэр болон хувийн тээврийн хэрэгсэл, орон нутгийн нислэг, суудлын галт тэрэгний хөдөлгөөнийг 2020 оны 03 дугаар сарын 10-ны өдрийн 07.00 цагаас 2020 оны 03 дугаар сарын 16-ны өдрийн 07.00 цаг хүртэл зогсоолоо. Зайлшгүй шаардлагаар нийслэл, аймаг, сум руу зорчих бол нийслэл, аймгийн Онцгой комисст хүсэлтээ гаргаж зөвшөөрөл авах ёстой.
Бүгд Найрамдах Франц Улсын иргэн Дорноговь аймгийн Улаанбадрах суманд үйл ажиллагаа явуулдаг “Бадрах Энержи” компанид ажилладаг. Нутагтаа 10 гаруй хонохдоо гэрийн ойролцоох дэлгүүрээр үйлчлүүлсэн, сүүлийн 14 хоногт зэрлэг мал, амьтан, сэг зэмтэй харьцаагүй, далайн захаар яваагүй, ойролцоох мужийн Зеблин дүүрэгт халдварын нэг тохиолдол бүртгэгдсэн гэж өгүүлжээ.
Монгол Улсад ирж Баянгол зочид буудалд байрлахад нь 14 хоног өөрийгөө тусгаарлаж, ажиглах зөвлөмж өгсөн ч хайхраагүй байна.
Улмаар 2020 оны 03 дугаар сарын 07-ны өдөр Улаанбаатар-Сайншанд чиглэлийн галт тэргээр явж Дорноговь аймгийн Улаанбадрах суманд байх “Бадрах Энержи” компанийн “Зөөгч Овоо” кэмпэд байрлажээ. Түүнээс хойш халуурах, хамар битүүрэх, хоолны дуршил муудах зэрэг шинж тэмдэг илэрсэн байна. Өнөөдрийн байдлаар биеийн байдал нь тогтвортой, халуунтай байна.
Улсын онцгой комисс, Эрүүл мэндийн яам, тагнуул, цагдаа, мэргэжлийн хяналт зэрэг холбогдох бүх байгууллага шаардлагатай арга хэмжээг авч байна. Иргэд айж тэвдэлгүй, аль болох гэртээ байх, гараа тогтмол угаах, гадуур явах бол амны хаалт заавал зүүхийг Улсын онцгой комисс дахин зөвлөлөө гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Энэ мэдээ таалагдаж байвал:
Сэтгэгдэл 4
-
хурдан үйлийн үрээрэй үхвэл таарна л гэж бодож байна наадах чинь бурхны эсрэг буруу номтон болсон нөхөр л байна одоо яая гэхэв
-
юу зөвлөмж өгсөн гэж хуцаад байгаа юм бэ? Яагаад тусгаарлаагүй юм бэ? Хэн нэгниий гуйлт бүхэл бүтэн нэг улсын эрүүл мэнд, эрх ашгаас илүү байна гэж үү? Манайхан хэдэн халтар төгрөгтэй хүмүүсийг харахаараа гөлөлздөг, долигонодог зангаа л больчих хэрэгтэй. Хаана хаанаа ажилдаа эзэн нь байвал ийм асуудал гарахгүй ш дээ. Дотооддоо орох гарах хөдөлгөөнийг хааж байхаар хил гаалиа хааж байхад яасан юм бэ? Новшнууд одоо юу бодож байгаа бол. Хэлэх муу ч үг олдохгүй юм даа...
-
hil gaalia haagaagchee gadni uls ornuudad ihenhdee garchihaad baihad gadnaas humuus oruulaad baidag ni yamar uchirtai ymbee mongolchuudaa yaj hiidaad ch hereg alga bn shdee
-
УОБК ГЭХ МАЛУУД ЮУГАА ХИЙЖ БАЙСАН ЮМ БЭ? ВИРУСТЭЙ ГАДААДЫН ХҮНИЙГ ТУСНААРЛАЛГҮЙ ЭНЭ ТЭРҮҮГЭЭР ЗӨНДӨӨ ТЭНҮҮЛСЭН БАЙХ ЮМАА?? ЯМАР ХАРИУЦЛАГАГҮЙ ЮМ БЭ? ЭНЭ ЭНХТҮВШИН ГЭХ ӨВГӨНИЙГ СОЛЬСОН ДЭЭР БАЙХАА, ЗӨНӨГ НЬ ЗАЛГААД АЖЛАА ХИЙЖ ЧАДАХГҮЙ БНА Ш ТЭЭ,ГАДААДЫН ХҮН ХАРАХААРАА ОНЦГОЙ НӨХЦӨЛ, ХӨЛ ХОРИО, ДҮРЭМ ЖУРМАА МАРТЧИХДАГ ЮМ УУ МАЛУУД ЧИНЬ? НААД НЭГ ТЭНҮҮЛЧИН ЧИНЬ АЛБААР ВИРУС ТАРААХ ЗОРИЛГОТОЙГООР ЭНЭ ТЭРҮҮГЭЭР ӨЧНӨӨН ЯВЧИХСАН ЮМ БИШ ҮҮ? АГААРЫН ХИЛЭЭ ХАА ГЭЖ ЭРТНЭЭС ИХ АНХААРУУЛСАН, БАЙХГҮЙ ШҮҮ, АНГАЙЖ СУУЖ БГААД Л ОРУУЛААД ИРЛЭЭ МАЛУУД ЧИНЬ, БОЛДОГ БОЛ НААД ФРАНЦ ТЭНҮҮЛЧИНГ БУУДЧИХ ЮМСАН, ИНГЭЖ БИЧЛЭЭ ГЭЭД ТОРГУУЛНА Л БИЗ, МОНГОЛЧУУДАА ЗӨРЧЛИЙН ХУУЛЬ ЯРЬЖ ТОРГОЖ, ХӨЛ ХОРИО ТАВЬДАГ ХЭРНЭЭ ГАДНЫ МАЛУУДЫГ ДУР ЗОРГООР ТЭНҮҮЛДЭГ ЯМАР ТӨР ГЭХЭЭРЭЭ ИЙМ БДАГ БАЙНАА??? ЁСТОЙ УУР ХҮРЧ БАЙНА.ДОТООДДОО ХӨЛ ХОРИО ТОГТООГООД БАЙХ ЮМ, ГАДНААС ОРЖ ИРЭХ УРСГАЛАА, АГААРЫН ХИЛЭЭ ХААГААЧЭЭ.
