Орон нутгийн сонгуулийн санал хураалт маргааш /2020.10.15/ болно. Хуулийн дагуу сурталчилгааны хугацаа өчигдөр /2020.10.13/ 22:00 цагт дуусгавар болсон.
Гэтэл Чингэлтэй дүүргийн АН-ынхан дээрх хугацаа дуусгавар болсны дараа 01:00 цаг өнгөрч байхад сурталчилгааны материалаа иргэдэд тарааж, түүнийхээ завсарт бэлэн мөнгө хийн түгээж байжээ.">
Хуулийн дагуу бүх нэр дэвшигч нэг гараанаас сурталчилгаагаа эхэлж, хэвлэмэл бүтээгдэхүүнүүдийнх нь хэмжээг ч заагаад өгчихсөн байхад мань Чингэлтэй дүүргийн АН-ынхан НИТХ-д ноёрхохын тулд мөнгөөр асуудлыг шийдвэрлэж, иргэдийн саналыг авахыг санаархжээ. Тодруулбал, НИТХ-ын 17 дугаар тойрогт АН-аас нэр дэвшигч С.Очирбат /Чингэлтэй дүүргийн АН-ын дарга/, Б.Батхуяг нар нэр дэвшиж байгаа. Б.Батхуяг нь Завхан аймгийн уугуул бөгөөд тус аймгаас тойрогт нь суурьшин амьдарч байгаа иргэдэд захидал илгээн, түүнийхээ завсарт 30 мянган төгрөг хийсэн байжээ. Үүнийг нь тус дүүргийн 18 дугаар хорооны иргэн С.Сайнзаяа приус маркийн 67- 37 УБН улсын дугаартай автомашинтой тарааж байсан гэж байгаа.
Энэ нь Монгол Улсын Үндсэн хуулийн гуравдугаар зүйлийн “Төрийн эрх мэдлийг хууль бусаар авах, авахаар завдахыг хориглоно.” гэснийг илтэд зөрчсөн үйлдэл болж байгаа юм.
УИХ-ын сонгуульд амжилтгүй оролцсон тус намынхан өдгөө НИТХын сонгуульд олонхын саналыг авч, ялалт байгуулахын тулд мөнгө тараан, өдгөө өөрсдийгөө өмгөөлж байна. Энэ талаар одоогоор хууль хяналтын байгууллагынхан шалгаж байгаа аж.
Эх сурвалж: erennews.mn
