Эрүүл мэндийн яамнаас ээлжит мэдээллийг хийлээ. ХӨСҮТ-ийн дарга Д.Нямхүү  "Аравдугаар сарын 16-ний өдөр Сөүл-Улаанбаатар транзит онгоцоор ирсэн 252, аравдугаар сарын 15-ны өдрийн Бээжин-Улаанбаатарын онгоцоор ирсэн 145, аравдугаар сарын 5-ны өдрийн Нурсалтаны онгоцоор ирсэн 153, Алмата-Улаанбаатарын онгоцоор ирсэн 95, есдүгээр сарын 28-ний өдөр Замын-Үүд боомтоор орж ирсэн 21, Төв аймагт тусгаарлагдсан 9, Дундговь аймагт 3, Өмнөговь аймагт тусгаарлагдсан 1 хүний шинжилгээнээс коронавирус илрээгүй байна. Сэлэнгэ аймгийн лаборатори ажиллаж эхэлснээс хойш нийт 62 хүнд шинжилгээ хийсэн. Өнөөдөр нэг хүн эдгэрч, дараагийн шатны сувилал руу шилжсэн. Энэ хүн 50 настай, эрэгтэй ОХУ-ын ачаа тээврийн жолооч.

Монгол Улсад нийт батлагдсан тохиолдол 324 боллоо. Үүнээс 312 өвчтөн эдгэрсэн. Эдгэрэлт 96 хувийн үзүүлэлттэй байна. Нийт тандалт дууссан 297, гэрийн ажиглалтад 10, сувиллын ажиглалтад 5 хүн байгаа. ХӨСҮТ-д 12 хүн эмчлэгдэж байна. Тэдгээрийн биеийн байдлыг үнэлбэл, долоон хүний биеийн байдал хөнгөн, 5 хүний биеийн байдал хүндэвтэр байна. ХӨСҮТ-д 40 хүн тандалтад байна.

 Дэлхий дахин өнөөдрийн байдлаар 39 сая  мянга гаруй хүн коронавирусийн халдвар авч, 29 сая гаруй хүн эдгэрч, нэг сая хүн коронавирусийн халдвараар нас баржээ. Өчигдрийн байдлаар 390 мянган хүн шинээр өвчилж, 6000 гаруй хүн нас барсан байна.

АНУ, Бразил, Энэтхэгт, ОХУ, Испани улсуудад коронавирусийн тохиолдол хамгийн их бүртгэгдсэн байна” хэмээлээ.