Гадаад харилцааны яамны Консулын газрын дарга Л.Мөнхтүшиг цаг үеийн асуудлаар мэдээлэл хийлээ.
Тэрээр "2019 оны нэгдүгээр сараас хойш 26192 иргэнээ татан авлаа. Үүнд, Агаарын тээврээр 91 улсаас 19611 иргэнийг, газраар буюу Алтанбулаг, Замын-Үүдийн боомтоор 6581 иргэнээ татан авлаа. Өнөө орой Токиогийн онгоцоор 210 иргэн ирнэ. Токиогийн онгоц тусгай үүргийн 100 дахь нислэг болж байна. УОК-оос гаргасан хуваарийн дагуу арваннэгдүгээр сард 10 удаагийн нислэг үйлдэнэ. Үүнээс зургаан нислэгийг Сөүл хот руу, хоёр нислэгийг Токио руу хийнэ. Токиогийн нислэгээр Япон улсын виз авсан иргэдийг хүргэж өгөх юм. Мөн 11-р сарын 19-нд Франкфурт руу нислэг хийнэ. 11-р сарын 6-нд Алматы руу нисэж, 200 гаруй иргэнээ авчирна. Турк улс руу нислэг үйлдэж, иргэдээ авчрахаар яригдаж байгаа ч нислэгийн тов гараагүй байна" гэлээ.
Б.ЗАЯА
Эх сурвалж: Shuurhai.mn
