ХӨСҮТ-өөс коронавирусийн нөхцөл байдлын мэдээллийг хүргэлээ. Өнгөрсөн 24 цагийн хугацаанд нийт 820 шинжилгээ хийхэд гурван хүнд коронавирусийн халдвар илэрч, 817 хүнээс илрээгүй. Гурван батлагдсан тохиолдлын нэг нь 4 настай хүүхэд байсан бол хоёр нь ажиглалтад хянагдаж байгаа хоёр эмч аж.
Жолооч Д-гийн хоёрдогч хавьтал болох 2,775 хүнийг илрүүлж, 644 хүний шинжилгээний хариу гараад байгаа гэнэ. Эдгээр хариу бүгд сөрөг гарсан гэдгийг ХӨСҮТ мэдээллээ.
Харин Сэлэнгэ аймгийн батлагдсан гурван тохиолдлын ойрын хавьтал болох 150 хүнийг илрүүлж, шинжилгээ хийж байна. Урьдчилсан байдлаар 103 хүний шинжилгээнд коронавирус илрээгүй. Дархан-Уул аймагт шинжилгээ хийлгэсэн цэцэрлэгийн хүүхдүүд болон бусад 136 хүнд хийсэн шинжилгээ ч мөн сөрөг гарсан сайн мэдээг дуулгалаа.
Одоогоор ХӨСҮТ-д 83 хүн эмчлэгдэж, нэг хүн хүнд, 16 хүн хүндэвтэр, 66 хүн хөнгөн байна.
Эх сурвалж: shuurhai.mn Б.ЗАЯА
