ЭМЯ, ХӨСҮТ-ээс өнгөрсөн 24 цагийн хугацаанд хийсэн коронавирусийн илрүүлгийн шинжилгээний хариуг мэдээллээ.
ХӨСҮТ-ийн Тандалт, судалгааны албаны дарга А.Амбасэлмаа "Арванхоёрдугаар сарын 5-нд ХӨСҮТ-ийн хоёр, ЗӨСҮТ-ийн болон Дархан-Уул, Сэлэнгэ, Орхон, аймгийн салбар лабораторид нийт 14,019 хүнд шинжилгээ хийсэн. Үүнээс 700 гаруй нь хавьтлын хяналтын шинжилгээ байсан бөгөөд долоон сорьцод коронавирусийн халдвар илэрлээ. Бусад тандалтын сорьцод халдвар илрээгүй.
Долоон тохиолдлын дөрөв нь Сэлэнгэ аймагт батлагдсан тохиолдлын ойрын хавьтал байна. Дорноговь аймгийн Замын-Үүд суманд гурван тохиолдол бүртгэгдсэн. Эдгээр нь гэр бүлийн хавьтлууд юм. Улаанбаатар хот болон Дархан-Уул, Говьсүмбэр, Орхон, Архангай аймагт сүүлийн 24 цагт өвчлөл бүртгэгдээгүй" гэлээ.
Эх сурвалж: shuurhai.mn Г.ОЧИР
