Франкфурт-Улаанбаатарын чиглэлээр өчигдөр 160 иргэн эх орондоо ирсэн билээ. Тухайн нислэгээр ирэх ёстой монгол эмэгтэй халдвартай нь батлагдаж Германд онгоцны буудал дээр мөнгөгүй үлдсэн талаар олон нийтийн сүлжээгээр гараад байгаа.
Энэ асуудлаар ГХЯ-ны Консулын газрын дарга Л.Мөнхтүшиг тайлбар өглөө. Тэрээр “40 настай монгол иргэн халдвартай гарсан нь үнэн. Бусад олон хүний эрүүл мэндийг бодож тухайн иргэнийг үлдээхээс өөр арга байгаагүй. Тэглээ гээд иргэнээ бид орхиогүй. Тэрээр Чехээс ирсэн. Хамаатан садны хүмүүс нь Чехэд байдаг. Тиймээс ар гэртэй нь ЭСЯ-наас холбогдсон. Нэгэнт халдвартай нь батлагдсан учраас Германд 14 хоног тусгаарлагдана. Тусгаарлалтын зардал мөнгийг ЭСЯ-наас гаргахаар ярилцаж байна” гэлээ.
Эх сурвалж: shuurhai.mn Г.ОЧИР
