Замын-Үүдын боомтоор бараа таваар нэвтрүүлэх ажил удаашралтай байгаа талаар олон нийтийн бухимдлыг төрүүлээд байгаа билээ. Боомт дээр нөхцөл байдал ямар байгаа, хэрхэн анхаарч байгаа талаар УОК-ын Шуурхай штабын дарга Б.Ууганбаяраас тодруулав.
Тэрээр "Замын-Үүд боомтоор гарах болон нэвтрэх хөдөлгөөнийг эрчимжүүлж, өдөртөө 50-60 тээврийн хэрэгсэл орж, гарч байгаа. Эрээн боомт дээр түгжирсэн ачаа, барааг шуурхай нэвтрүүлэхийн тулд мэргэжлийн байгууллагууд санаачилгатай ажиллаж байна. Баян-Өлгий аймгийн Цагааннуур боомтоор өчигдөр шатахуун тээврийн 15 машиныг нэвтрүүлсэн. Шатахууны хангамжийн тогтовортой байдлыг хангахад анхаарч ажиллаж байгаа.
Мөн эрүүл мэндийн салбарт хэрэглэх тоног төхөөрөмж, хамгаалах хувцас хэрэглэл гэх мэт ачааг Монгол Улсын хилээр шуурхай нэвтрүүлэх тал дээр анхаарч байгаа" гэлээ.
Эх сурвалж: shuurhai.mn Г.ОЧИР
