Өнөөдөр улсын хэмжээнд коронавирусийн 12 тохиолдол бүртгэгдсэнийг бид мэдээлсэн. Эдгээр тохиолдлууд эмнэлгийн хэд хэдэн байгууллагаар үйлчлүүлсэн байжээ. Тиймээс одоогоор 3 эмнэлгийн эмч ажилтнуудыг тусгаарлаж шинжилгээ аваад байна.
- Төрийн тусгай албан хаагчдын нэгдсэн эмнэлгээр халдвартай иргэн хоёр, гурван удаа очиж үйлчлүүлснээс тус эмнэлгийн 100 ажилтнаас шинжилгээ авчээ. Одоогоор халдвар илрээгүй байна.
- ХСҮТ-д бас нэгэн иргэн очиж үйлчлүүлжээ. Тэрээр мөн халдвартай байсан байна. Тиймээс ХСҮТ-ийн 21 хүнээс шинжилгээ авч, 10 хүнийг ойрын хавьтлаар тусгаарлажээ.
- Энэрэл эмнэлэгт мөн нэг өвчтөн үйлчлүүлсэн бөгөөд тус эмнэлгийн 90 орчим хүнээс шинжилгээ авчээ. Хариу сөрөг гарсан гэж байна.
Түүнээс гадна халдвар авсан иргэдийн дунд ХУД-ийн Цагдаагийн 1-р хэлтсийн албан хаагч халдвар авсан нь батлагдсан учраас тус хэлтсийн 100 хүнээс шинжилгээ авсан бөгөөд 10 хүнийг ойрын хавьтлаар тусгаарлажээ.
Мөн голомт нь хүчтэй нэмэгдэж байгаа БЗД-ийн 17 дугаар хорооны ажилтан болон гэр бүлийнх нь хүмүүс халдвар авсныг мэдээллийн үеэр ХӨСҮТ онцоллоо.
Эх сурвалж: shuurhai.mn Г.ОЧИР
