Франц улсаас Монгол Улсад цар тахлын үед шаардлагатай хүчилтөрөгчийн эмчилгээний багцыг хандивласан талаар тус улсаас Монгол Улсад суугаа ЭСЯ-наас мэдээллээ.
ЭСЯ-наас “Дэлхий нийтийг хамраад буй Ковид-19 цар тахалтай тэмцэх хүрээнд Монгол Улс хамтран ажиллаж туслалцаа авах хүсэлт илэрхийлсний дагуу эрүүл ахуйн нөхцөл амаргүй байгаа энэ үед францын ард түмний сайн санааны илэрхийлэл болгон Франц Улсаас хүчилтөрөгчийн эмчилгээний тоног төхөөрөмжийг Монгол Улсад тусламжаар олгож байна. Энэхүү тусламжийг Холбооны иргэний хамгааллын механизм (UCPM)-ийн хүрээнд нийлүүлэх бөгөөд уг механизмийн зохицуулалтыг Европын холбооны яаралтай хариу арга хэмжээг зохицуулах төв (ERCC) ханган ажилладаг.
Тусламжаар олгож буй хүчилтөрөгчийн эмчилгээний багц тоног төхөөрөмжид хүчилтөрөгч ялгаруулагч (5 ширхэг), 10 литрийн генератор (5 ширхэг), хүчилтөрөгчийн маск (400 ширхэг), хүчилтөрөгчийн нүдний шил (200 ширхэг) тус тус багтсан” хэмээжээ. Эдгээр тусламжийн багцын нийт өртөг 54 000 евро буюу 184 сая төгрөг болжээ.
Эх сурвалж: shuurhai.mn
