УИХ-ын гишүүн, ХНХ-ын сайд асан Н.Номтойбаяр өмгөөлөгчөөрөө дамжуулах мэдэгдэл хийжээ. Тэрээр магадлангаар суллагдахгүй, өөрт нь оноосон хилс хэргийн ялыг эдэлнэ гэжээ.
Чингэлтэй дүүргийн Эрүүгийн анхан шатны шүүхээс Н.Номтойбаяр ХНХ-ын сайдаар ажиллаж байхдаа үйлдвэрлэл, ажлын байр нэмэгдүүлэх төсөл сонгон шалгаруулах явцад албан тушаалаа урвуулан ашигласан хэмээн буруутгаж 5.5 жилийн ял оноосон юм.
Харин энэ хэргийг Улсын дээд шүүх хянаж үзээд уг үйлдлийг нь хэрэгсэхгүй болгож шийдвэрлэсэн. Харин төсөл сонгон шалгаруулахдаа хяналт тавиагүй, ажилдаа хайнга хандсан гэж буруутган 1 жилээр хорих ял болгон бууруулсан юм.
Тэрээр хоригдож эхлээд 8 сар орчмын хугацаа өнгөрч байгаа юм. 4 сарын дараа тэрээр суллагдах юм.
Эх сурвалж: shuurhai.mn
