Халдварын нөхцөл байдал өдрөөс өдөрт хүндэрч байгааг ЭМЯ, ХӨСҮТ анхааруулсаар байна. Өнөөдөр гэхэд халдварын хамгийн олон тохиолдол бүртгэгдээд байгааг бид мэдээлсэн.
Монгол Улсын хувьд цар тахлын халдвар тархалтын 4 үе шатыг дамжин өнгөрч байгааг Эрүүл мэндийн сайдын зөвлөх, тархвар судлаач А.Амбасэлмаа онцолж байна.
Улаанбаатар хотын хувьд хамгийн сүүлийн шат буюу ард нийтийн дунд өргөн тархалттай цар тахал байгаа орон нутагт зөөвөрлөгдсөн, каластр халдварын үе шатанд хүрсэн байна. Ийм үед нийслэл хотын хувьд ард иргэд, төр засаг, эрүүл мэндийн байгууллага хамтарч тэмцэх, орон нутгийн хувьд халдварын голомтыг хумих тэргүүн эгнээний арга хэмжээг авч хэрэгжүүлэх ёстойг тэрээр зөвлөлөө.
Монгол Улсын хувьд илрүүлэг, лабораторийн хүчин чадал олон улстай энэ дүйцэхүйц хэмжээтэй байна. Энэ нь халдвартай хүмүүсийн эмнэлзүйн шинжээс харагддаг аж. Өөрөөр хэлбэл, нийт илэрч байгаа хүмүүсийн 85-89 хувь нь хөнгөн, 9-10 хувь нь хүндэвтэр, 1 хувь нь хүнд байна.
Өнөөдрийн байдлаар 1462 хүн эмчлүүлж байгаагаас 7 хүн маш хүнд хэлбэрт байгаа ажээ.
Эх сурвалж: shuurhai.mn
