Монголын арилжааны томоохон банкнаас 2 сая ам.доллар залилсан хэрэг олны анхаарлын төвд байна. Нэр бүхий 4 этгээд нийлж энэхүү залалингийн гэмт хэргийг хийсэн бөгөөд тэд гадаадын томоохон харилцагч байгууллагын нас барсан эрх бүхий иргэний бичиг баримт, тамгыг хуурамчаар үйлдсэн байжээ.
Банк 2 сая ам.доллар залилуулснаас 1 цагийн дараа мэдсэн байна. Ингэснээр цагдаагийн байгууллагад хандаж эрэн сурвалжилж эхэлжээ. Шалгалтын үр дүнд 1.1 сая ам.доллларыг Улаанбаатар хотын нутаг дэвсгэр дээрээс машин дотроос олоод байгаа гэнэ. Харин хэрэгтнүүд одоог хүртэл баригдаагүй байна. ЦЕГ-аас эрэн сурвалжилсэн хэвээр байна.
Хамгийн ноцтой нь тэдгээр 4 этгээдийн нэг нь 32 настай Б гэгч өмнө нь мөн арилжааны банкийг 2 удаа залилж их хэмжээний мөнгө завшиж байжээ. Тодруулбал, 2019 онд нэр бүхий арилжааны банкнаас итгэмжлэх ашиглан, БНХАУ-ын иргэний данснаас 1.3 тэрбум төгрөгийг залилж авсан бол 2020 онд мөн нэр бүхий арилжааны банкнаас “Баян айраг эксплорэйшн” ХХК-ийн бичиг баримтыг хуурамчаар үйлдэн 99 сая төгрөг залилсан гэх мэдээлэл байна. Тэрээр батлан даалтад байх хугацаандаа ийнхүү дээрх хэргийг үйлдсэн бололтой.
Эх сурвалж: shuurhai.mn Г.ОЧИР