Шинэхэн мэдээ. АНУ-ын 60 гаруй (60+2) сенатч санал нэгтэй батласан “Sanctioning Russia Act of 2026” хуульд Оросыг боймлохоор бүрмөсөн шийдсэн гэлтэй үг өгүүлбэр, заалт өдий төдий явж байна. ОХУ-аас нефть, хий худалдан авдаг “Оросын авторитари хамсаатан” гэх 5 улс–Хятад, Энэтхэг, Словак, Унгар, Азербайжаны эсрэг 100% тарифын татвар тавихыг заажээ. Энд АНУ-ын холбоотон 4 улсын нэр цохиж явна. Энэтхэг-Номхон далайн түншлэлд нь стратегийн гол холбоотон болдог Энэтхэг (бусад нь Япон, Австрали, Өмнөд Солонгос гэх мэт), НАТО дахь эвслийн холбоотон Унгар, Словак хоёр оржээ. Кавказ дахь шинэ холбоотон Азербайжанаа оросын хамсаатан гэж бас үзжээ.
Д.Трамп гуай ч наашаа харж инээж, цаашаа харж загнаж, заримдаа хэтрүүлж байгаад яг хийх юм аа. Оросын амин чухал судсыг атгаад авчээ. Энэ ёстой Оросыг нугаслах шинэ бодлого. Д.Трампыг “Краснов” гэж хочилдог, Путины хамсаатан гэж харддагийг эсрэгээр нь илтгээд өглөө. Орос ба Путин нь Украины эсрэг дайндаа нугаршгүй биш гэдгийг фронт дээр, дроноор биш, тойруу замаар илтгэх алхам гэчих үү, аан? Оросын хурааж нөөцөлсөн зэр зэвсэг дундарсан ч дуусах болоогүй. Юунд хүргэх, ямар том нүгэл, ямар их ялт хэрэг үйлдэж байгаагаа Путинд мэдэх сөхөө алга. Харваад л, алаад л, шатаагаад л байна. Тэр бол ялалт биш. Манай ояа, орк, орос ахсаг монголчууд дагаж огшоод л, подкастдаа бахархаад л, пост оруулаад л, горьдлого тасардаггүй ээ!? Та нарын эцсийн тайлбарыг (Та нартаа бол зөвтгөл?) би сайн мэдэж байнаа. “Нутгаа аваад Орос, Хятадаас салаад нүүж чадахгүйгээс хойш!”-энэ шүү дээ. Нүүж чадахгүйгээс хойш тэр хоёрынхоо, болж өгдөгсөн бол Орос ахынхаа боол, босгоны шороо болоод нурнийгаад байж байх ёстой, тийм үү?
Facebook дотор би танихгүй ч хэд хэдэн нөхөр цөхөршгүй Путинд горьдох юм аа. Хөөрхий харсан хэдийгээ нэрлэчих үү? Facebook хаягийн нэрээрээ, би бүр 4 жил ажиглаж эчнээ таньдаг болсон нөхөд. Olzvoi Gankhuu, Ganaa Good, Ц.Буянцогтоо, Gantulga Chuluun Hutagt, Аюуш Батсайхан, Alzakhgui Vandan гээд, цаашаа цэрэг зэвсгийн, цэргийн түүхийн бүлэгт эдний хамсаатан-горьдлого үл тасрагчдын нэрс явж өгнө л дөө. Тэр болгоныг би нэрлэж хэрүүл өдөх гээгүй. Гэхдээ орос ахсаг нэг том нөхөр толгойд нь байна. Хөөрхий компьютерын “А” ч үгүй бололтой. Хөмсгөө зангидан ухаантай дүр эсгэх Л.Эрдэнэчулуун гуайг би бүр ориг супер “тэнэг”-ээр нь (эсвэл хэт ухаантан!) дуудна шүү. Путин ялахгүй бол Та нар бүгд боож үхэх үү, хожим Украины ард түмний нүүрийг яаж эгцлэн харах гэж байгаа улс вэ гэсгээд дуусгая. Хожим шившгээ бүү тариасай гэж чин сэтгэлээсээ зөвлөе!
Нэг үгээр Д.Трамп ноёнтон Путины дайны санхүүжилтийг төгсгөл болгох том нүүдэл хийлээ шүү дээ. Асар том бензин-колонк ах маань түүнээсээ хагацна гэдэг ямар гай дагуулах вэ? Бодож үзсэн үү? Путины ар тал, фронтын ар тал гэж байхгүй болсон, хаа сайгүй дрондуулж байна. Орос даяар Украины тагнуулчид, агентууд, хорлон сүйтгэгчид холхиж байна. Москвад 3 сая украин хүн амьдардагийг Та нар мэдэх үү?
Тодын Отгонбаяр (Лондон зураач)
2026.07.18
