Прокурорын байгууллагаас он гарснаар Эрүүгийн хуульд заасан мөнгө угаах 245 гэмт хэрэгт хяналт тавьжээ.
Үүнээс 82 хэрэгт эрүүгийн хэрэг үүсгэн холбогдох этгээдийг яллагдагчаар татаж, мөрдөн байцаалт явуулснаас 42.6 хувьд нь яллах дүгнэлт үйлдэн шүүхэд шилжүүлсэн байна.
Мөрдөн байцаалт явуулсан мөнгө угаах нийт хэргийн 39 хувь нь дангаар зүйлчлэгдсэн байгаа бол 69.5 хувь нь залилах, 28 хувь нь авлига, 86.5 хувь нь татвар төлөхөөс зайлсхийх, 7.3 хувь нь хүрээлэн буй орчны эсрэг, 21.9 хувь нь хулгайлах, 15.8 хувь нь мал хулгайлах гэмт хэргүүдтэй давхар үйлдэгдсэн байна.
Харин энэ төрлийн гэмт хэрэг өнгөрсөн оны мөн үетэй харьцуулахад 7 хувиар өссөн үзүүлэлт гарчээ.