Өчигдөр буюу 12 дугаар сарын 6-нд ОУВС-гийн Ерөнхийлөгч Кристалина Георгиева “1+6” дугуй ширээний яриа хэлэлцээнд цахимаар оролцож үг хэлжээ.
Георгиева энэ үеэр дэлхийн хамтын ажиллагааны дөрвөн чиглэлийг санал болгож, улс орнууд дэлхийн эдийн засгийн сэргэлтийг дэмжихийн тулд илүү нягт хамтран ажиллахыг хүслээ. Тодруулбал эдгээр нь 2022 онд хүн төрөлхтний 70%-ийг вакцинжуулах НҮБ-ын зорилтыг биелүүлэх, олон талт худалдааны тогтолцоог бэхжүүлэх, санал зөрөлдөөнөө багасгах, нүүрстөрөгчийн давхар ислийн ялгаруулалтыг цэвэршүүлэх түвшинд аль болох түргэн хүрэх бөгөөд уг зорилтыг дэмжих бодлогыг боловсруулах, хөгжиж буй орнуудын эдийн засгийн сэргэлтийн үйл явцыг дэмжих гэсэн чиглэлүүд юм байна.
Түүнчлэн Георгиева: "Хятадын цаг уурын өөрчлөлтийн талаарх стратеги төлөвшиж байгаа нь дэлхийн цаг уурын өөрчлөлтийн эсрэг хариу арга хэмжээ авахад чухал үүрэг гүйцэтгэнэ. Мөн Хятад улс Африкт 10 тэрбум ам.долларын зээл авах тусгай эрх олгосон нь маш чухал ач холбогдолтой юм" гэжээ.
С.Ренчин
sonin.mn
