Санхүүгийн боловсрол нь хуримтлал үүсгэж, хувийн санхүүгээ зөв удирдахаас эхэлнэ. Тиймээс Голомт банк хуримтлалыг зуршил болгоход туслах, таны санхүүгийн дархлааг дэмжих “Витамин ₮” урамшуулалт аяныг 2 дахь жилдээ хэрэгжүүлж байгаа билээ.
Харин энэхүү урамшуулалт аяны азтан шалгаруулах тохирол нь долоо хоног бүрийн баасан гарагт Голомт банкны албан ёсны фэйсбүүк хуудсаар шууд дамжуулагдаж, азтануудаа тодруулж байсан. Харин өнгөрсөн долоо хоногт энэхүү аяны сүүлийн азтанууд тодорлоо. Бид зарим азтануудтай уулзаж, хэдэн хором ярилцсаныг хүргэж байна.
Ц.Буяннэмэх: Ирээдүйд гарах эрсдэлээс өөрийгөө хамгаалах гол хүчин зүйл нь хуримтлал
-Азтан болсонд нь баяр хүргэе. Ямар хонжворын азтан болсон билээ?
-Баярлалаа. Active 2 watch цаг хожсон. Би Голомт банктай 2012 оноос хойш тасралтгүй хамтран ажиллаж байна. Санаандгүй байж байгаад азтан болсондоо маш их баяртай байна.
-Хадгаламжаа нээгээд удаж байгаа юу?
Удаж байнаа. Би анх Голомт банкны харилцагч болохдоо хадгаламж нээлгэж байлаа.
-Хуримтлуулж сурсан хүний хувьд хуримтлалын давуу талыг нэрлээч гэвэл?
-Ирээдүйд гарах эрсдэлээс өөрийгөө хамгаалах гол хүчин зүйл нь хуримтлал гэж боддог. Гэнэтийн ямар ч үйл явдал тохиолдож болно. Хэрэгтэй үед хэрэглэх мөнгө бэлэн байна гэдэг давуу тал шүү.
-Хуримтлалыг зуршил болгож чадсан өөрийн аргаасаа хуваалцаач?
Миний хувьд интернэт банкаа маш их ашигладаг болохоор заавал банканд очиж орлого хийх шаардлагагүй байдаг. Сар бүрийн орлогоо зайнаас хийх нь илүү хялбар учраас залхууралгүй, цагтаа орлогоо хийж сурсан.
-“Витамин ₮” урамшуулалт аяны талаар өөрийн бодлоосоо хуваалцахгүй юу?
Анх үйлчлүүлдэг салбарын маань ажилтан энэ урамшууллын талаар танилцуулж байсан учраас ерөнхийдөө мэдээлэлтэй байсан. Юун түрүүнд хадгаламжтой болно гэдэг чинь өөрт маань маш их хэрэгтэй. Харин түүнийг ийнхүү урамшуулж байгаа нь бүр сайхан санагдаж байна. Баярлалаа.
Н.Цэцэгжаргал: Хуримтлалтай байх нь ямар чухал вэ гэдгийг сая цар тахлын үед л мэдэрлээ
-Азтан болсонд нь баяр хүргэе. Ямар хонжворын азтан болсон билээ?
-Баярлалаа. БиTAB S6 Lite хонжворын эзэн болсон. Азтан болсондоо маш их баяртай байна.
-Хадгаламжаа нээгээд удаж байгаа юу?
-Хадгаламжаа бол саяхан нээсэн л дээ.
-Хуримтлалын давуу талыг нэрлээч гэвэл?
-Миний хувьд хуримтлалын давуу талыг саяхнаас ойлгож эхэлж байгаа хүн л дээ. Хуримтлалтай байх нь ямар чухал вэ гэдгийг бид сая цар тахлын үед л мэдэрлээ шүү дээ. Яг ийм гэнэтийн нөхцөл байдалд багахан ч гэсэн хуримтлалтай байхын давуу талыг ойлгосон байх. Би ч мөн энэ үед л хадгаламж нээсэндээ баярлаж байлаа.
-“Витамин ₮” урамшуулалт аяны талаар өөрийн бодлоосоо хуваалцахгүй юу?
-Мэдээжийн хэрэг маш их ач холбогдолтой аян гэж ойлгож байгаа. Ийм эрсдэлтэй үед эрүүл мэндийн дархлаагаа сайжруулдагтай адилхан санхүүгийн хувьд ч дархлаа тогтоох нь чухал гэж боддог.
Б.Энхжаргал: Бага хэмжээгээр, тогтмол хураагаад байвал хуримтлуулах зуршилтай болно
-Азтан болсонд нь баяр хүргэе. Ямар хонжворын азтан болсон билээ?
-Баярлалаа. “Витамин ₮” урамшуулалт аянаас И-Март худалдааны төвийн эрхийн бичиг хожсон байна.
-Хадгаламжаа нээгээд удаж байгаа юу?
-Хадгаламжаа нээгээд удаж байна. Голомт банкны харилцагч болоод ч удаж байна.
-Хуримтлалын давуу талыг нэрлээч гэвэл?
-Хүн өөрт байгаа мөнгөө тооцоогүй үрчихээд яаралтай үед сандрах тохиолдол байдаг. Харин ийм үед хуримтлалтай байх нь их зүгээр санагддаг. Хадгаламжаа цуцлаад мөнгөө авах, бүр шаардлагатай тохиолдолд хадгаламж барьцаалсан зээл авах ч боломж байдаг. Эрүүл мэндийн шалтгаан, бүх төрлийн төлбөр гээд эртнээс хуримтлуулж чадвал бүгдийг хадгаламжаар шийдэх боломж бий.
-Хуримтлалыг зуршил болгож чадсан өөрийн аргаасаа хуваалцаач?
-Миний бодлоор эхний үед хадгаламждаа бага хэмжээгээр орлого хийвэл санхүүгийн дарамт мэдрэхгүйгээр хуримтлуулж чадна гэж боддог. Ингэж бага хэмжээгээр, тогтмол хураагаад байвал хуримтлуулах зуршилтай болно. Харин дараа боломжтой болсон үедээ их хэмжээний орлого хийдэг болж болно шүү дээ.
-“Витамин ₮” урамшуулалт аяны талаар өөрийн бодлоосоо хуваалцахгүй юу?
Надад хуримтлалдаа орлого хийх бүр сугалааны эрх нэмэгдлээ гээд и-мэйл ирдэг. Тэрийг хараад энэ аяны талаар ерөнхий мэдээлэлтэй болсон байсан. Хүмүүс хадгаламжтай болъё гэж бодсон ч цаг заваасаа болоод ч тэр юм уу шийдвэр гаргаад, очоод нээлгэх нь цөөхөн. Харин яг энэ хүмүүст “Витамин ₮” урамшуулалт аян түлхэц болж байгаа болов уу гэж бодож байна. Энэ аяны хугацаанд хадгаламж нээсэн хүний тоо маш их нэмэгдсэн байх.
“Витамин ₮” урамшуулалт аяны хоёр дахь супер хонжвор “Nissan-Leaf” цахилгаан автомашины эзнийг 2022.01.08-ны өдөр Боловсрол сувгаар шууд дамжуулан тодруулах болно. Тиймээс та Голомт банкны салбараар үйлчлүүлэн, эсвэл Интернэт банк, Смарт банк аппликэйшн ашиглан төгрөгийн, хугацаатай хадгаламжаа амжиж нээлгээрэй.
#СанхүүгийнДархлаагааДэмжье #Витамин₮
