2021 оны хамгийн их хандалт авсан вэбүүдийн жагсаалтыг Cloudflare-с гаргажээ. Өмнөх онд бүх цахим хуудсыг тэргүүлсэн Google энэ онд 2-т эрэмбэлэгдэж, 1-р байрыг Tiktok эзэлжээ.
Цахим худалдаа
Цахим худалдааны хуудсууд өдөр тутмын хандалтаараа үргэлж дээгүүр байр эзэлдэг. 2021 онд дараах цахим худалдааны вэб хаягууд хамгийн их хандалттай байжээ.
- Amazon.com
- Taobao.com
- Ebay.com
MetaVerse
2021 оны трэнд болсон виртуал ертөнцтэй холбоотой дараах вэб хаягууд хамгийн их хандалт авчээ.
- Roblox.com
- Epicgames.com (Fortnite)
- Secondlife.com
Хэдийгээр Metaverse-ийг хөгжүүлэх олон төслүүд бий болсон ч 2020 онд тэргүүлсэн дээрх 3 вэб хуудас шиг олны хүртээл болж чадаагүй аж.
YouTube Од болсон нь
2021 оны 2 сарын 2-ны өдөр YouTube-ээс илүү хандалт авсан вэб хуудас гарч ирээгүй гэнэ дээ. YouTube-ийн хамгийн их үзэлттэй бичлэг гэгддэг “Despacito” дуу “Baby Shark” бүжгийн бичлэгт байраа алджээ.
Эцэст нь
Ковидын нөлөөгөөр интернэтийн хандалт ихэссэн ч өмнөх онд жагсаалтыг тэргүүлэгчид энэ онд ч топ 10-т хэвээрээ байна. Зул сарын баяраас эхлэн Netflix бусад онлайн стрийминг үйлчилгээний хуудсаас илүү хандалт авч эхэлсэн төдийгүй зарим өдрүүдэд Amazon-ийг ч давж байжээ.
