ТОКИО. /TASS/. Лхагва гарагт БНАСАУ Япон тэнгис рүү баллистик байж магадгүй пуужин харвасан тухай Японы эргийн хамгаалалтын алба мэдээлжээ.
Пуужин далайд унасан гэж тус алба мэдээлээд, загас агнуурын хөлөг онгоцуудыг пуужингийн хэлтэрхийнүүд рүү ойртохгүй байхыг анхааруулсан байна.
NHK телевизээр мэдээлснээр, Японы Батлан хамгаалах яам хөлөг онгоцуудад ямар нэгэн хохирол учирсан эсэхийг шалгаж байгаа аж. Түүнчлэн тус улсын Засгийн газрын дэргэд харвасан пуужингийн талаар мэдээлэл цуглуулах шуурхай штаб байгуулжээ.
Харин “Yonhap” агентлаг БНСУ-ын Зэвсэгт хүчний штабуудын дарга нарын хорооны төлөөлөгчөөс эш татан мэдээлэхдээ, БНАСАУ ямар ангиллынх нь тодорхойгүй пуужин харвасан гэсэн байна.
Хамгийн сүүлд БНАСАУ өнгөрсөн оны 10 дугаар сард шумбагч онгоцноос шинэ баллистик пуужин харвасан юм.
Д.Жаргал
Эх сурвалж: "Монцамэ" агентлаг
