УИХ-ын гишүүн Ц.Гарамжав 2015 онд Хөрөнгө орлогын мэдүүлэг өгөхдөө жилийн орлогоо 3 тэрбум 994 сая, 2016 онд 1 тэрбум 394 сая төгрөг хэмээн мэдүүлж байсан. Харин энэ жил түүний жилийн орлогоо 39 сая төгрөг болж буурсан байх юм. Хамгийн сонирхолтой нь гэр бүлийн гишүүд нь ямар ч орлогогүй гэж мэдүүлсэн нь олны анхаарлыг ихэд татаж байна. Түүний 3 тэрбум гаруй төгрөгийн орлого хаачив.
355 сая төгрөгийн 4 орон сууцтай байсан бол өдгөө 217 сая төгрөгийн 2 орон сууцтай болсон байна. Мөн авто машин, мал аж ахуй байхгүй. 159 сая төгрөгийн газар нь ч байхгүй болсон байна. Авто машингүй гишүүн маань нийтийн тээврээр ажилдаа явдаг юм биш биз дээ.
Хадгаламжиндаа 12 тэрбум төгрөгтэй байсан бол одоо 40 сая төгрөг болтлоо буурчээ. Өөрийн хувь эзэмшдэг Монполимет ХХК-иасаа 12 тэрбумын авлагатай. Харин Худалдаа хөгжлийн банкинд 7 сая төгрөгийн зээлтэй. Монцемент билдинг материалс ХХК, Монполимет ХХК-д хувь эзэмшдэг. Түүний тэр их хөрөнгө хаашаа орчив ямартай ч ганцаараа ажил хийж гэр бүлээ тэжээдэг гишүүнд маань 3 тэрбум төгрөгтэй явсан үе бий...
Эх сурвалж Шуурхай.мн
