Өвлийн спортын уламжлал багатай Шинэ Зеланд улс Ням гарагт түүхэндээ анх удаа өвлийн олимпын наадмаас алтан медаль авчээ.
20 настай Зои Садовски Синнот өчигдөр эмэгтэйчүүдийн сноубордын слопстайл төрөлд түрүүлснээр эх орондоо анхны алтан медалийг авчирсан байна.
Тэрбээр оноогоор АНУ-ын Жюлиа Мариногийн араас нэхэж явсан хэдий ч сүүлчийн шатандаа гайхалтай үсрэлт үзүүлснээр 92.88 оноо авч, нэгдүгээр байранд дэвшжээ.
Мөнгөн медаль зүүсэн АНУ-ын Марино 87.68, хүрэл медаль зүүсэн Австралийн Тэсс Коди 84.15 оноо тус тус авсан байна.
Шинэ Зеландчууд өмнө нь өвлийн олимпын нэг мөнгө, хоёр хүрэл медальтай байжээ.
Нэг хүрэл медалийг нь мөн Садовски 2018 оны Пёнчаны олимпын наадмаас авч байсан юм.
Садовксийг алтан медалиа зүүхээр шагналын тавцанд гарах үед Шинэ Зеландын тамирчид нутгийн уугуул Маори хүмүүсийн уламжлалт хака бүжгийг хийж, хүндэтгэл үзүүлсэн байна.
There's no better feeling than getting a win and celebrating with the whole squad. If you're New Zealand and you just won your first ever Winter Olympic gold medal thanks to Zoi Sadowski-Synnott... you do a haka!#thegist #beijing2022 (c/o @SnowboardMag ) pic.twitter.com/CyYB1L7oOZ
— The GIST USA (@thegistusa) February 7, 2022
Эх сурвалж: Associated Press
