Өнгөрсөн Даваа гарагт Франц улсын ерөнхийлөгч Эммануэл Макрон, ОХУ-ын ерөнхийлөгч Владимир Путин нар нар Москва хотод уулзаж, бараг зургаан цагийн турш ярилцсан юм.

Тэдний ярианы гол сэдэв Украины хямрал, Европын аюулгүй байдлын асуудал байв.

Хоёр ерөнхийлөгч дөрвөн метрийн урт ширээний хоёр үзүүрт сууж ярилцсан нь Кремлийн хэвлэлийн албанаас тараасан гэрэл зурагт харагдаж байсан юм.

Зарим хэвлэлүүд үүнийг Путин өрнөдийнхөнд ямар нэг далд анхааруулга өгсөн хэрэг хэмээн тайлбарлаж байв.

Харин өчигдөр Францын албаны эх сурвалжийн өгсөн мэдээллээр бол энэ нь вирусийн халдвараас сэргийлсэн арга хэмжээ байжээ.

Москвад айлчлан ирсэн Макронд Оросын тал PCR шинжилгээ өгөх шаардлага тавьсан байна. Оросуудад ерөнхийлөгчийнхөө генетикийн мэдээллийг алдахаас болгоомжилсон Францын албаныхан уг шаардлагыг хүлээж авахаас татгалзжээ.

Тиймээс Францын ерөнхийлөгч Путинтэй ойрын зайнаас харилцах, гар барих боломжгүй болсон юм байна.

Макрон Парисаас нисэхийнхээ өмнө Францын эмч нарын өөрөөс нь авсан шинжилгээний хариутай байсан ч Оросын тал зөвхөн өөрийн авсан шинжилгээний хариуг хүлээн зөвшөөрөхөө мэдэгджээ.

Макроны айлчлалаас гурав хоногийн дараа Казахстаны ерөнхийлөгч Касым-Жомарт Токаевтай уулзахдаа Путин цайны жижиг ширээний хоёр талд суусан нь хэвлэлийн гэрэл зургаас харагдаж байна.

Үүнээс харвал Кремлийн шаардлагыг Токаев биелүүлсэн бололтой.

Эх сурвалж: Reuters