Өдгөө"+17" цувралаар андахгүй болсон  жүжигчин Жижгээ "Маск" продакшнаас уран бүтээлийн гараагаа эхэлсэн нэгэн. Жүжигчин хийхээс гадна ажил гололгүй чамгүй олон зүйлийг хийж үзсэн тэрээр цувралынхаа ажилд орохоос өмнө Солонгос улсыг зориод ирсэн байна. Тэндээс их зүйл сурч амьдралын амтыг мэдрээд авсан тэрээр жирэмсэн эхнэрээ дагуулан наадмын талбай дээр хөөсөн чихэр зарж байсан түүхээсээ хуваалцжээ.  "Миний амьдрал кино шиг юм байна аа. Эхнэртэй болж эхлээд л эхнэр маань жирэмсэн болоод цүндгэр гэдэстэй. Зургаан сарын үед манайх тоглолт зогсчихдог болохоор цалингүй. Хүмүүс наадмаар юм хийвэл мөнгө олдог гэхээр нь хөөсөн чихэр хийж зарахаар болоод хөөсөн чихрийн машин хүнээс мөнгө зээлж 500мянгаар аваад зогссон. Наадмын эхний өдөр зөвшөөрөл авалгүй эхнэртэйгээ хоёулаа хөөсөн чихрийн машинаа аваачаад, ширээ тавиад модны сүүдэрт зогссон. Манай эхнэр ард суучихсан мөнгө тоолоод л би хийгээд л Тухайн үед жүжигчин байсан л даа, гэхдээ хүн намайг танихгүй ш дээ. Эхний өдөртөө 700 мянган төгрөг хийгээд өрөө дараад бөөн баяр. Хоёр дахь өдөр байхгүй мэргэжлийн хяналтад хөөгдөөд, эндээс хөөхөд нь тэнд очоод, тэндээс хөөхөд нь энд очоод л 300 мянгыг олж байлаа. Залуу хүн яаж мөнгө олж болох вэ, яаж орлого олох вэ, яаж гэрээ тэжээх вэ гээд л толгойд явж байдаг" хэмээн хуваалцжээ. Ажил ч хичээнгүй залуу маань цаашдаа олон олон уран бүтээлээ туурвиж үзэгч түмнээ баясгах бизээ.

                                                                             Эх сурвалж Шуурхай.мн