Ням гарагийн гол сэдэв нь зөвхөн Оросын төлөөлөгчид ирсэн Гомель дахь хэлэлцээр байв. Олон тооны мэдэгдэл солилцсоны дараа талууд "урьдчилсан нөхцөлгүйгээр" хэлэлцээ хийхийн тулд Гомель хотод биш харин Беларусийн хил дээр уулзахаар тохиролцдоо.
"Александр Лукашенко Владимир Зеленскийтэй утсаар холбогдов. Украин-Беларусийн хил, Припять голын ойролцоо Украины төлөөлөгчид Оросын талтай урьдчилсан нөхцөлгүйгээр уулзана гэж тохиролцсон. Александр Лукашенко Украины төлөөлөгчдийн ирэх буцах, хэлэлцээ хийх, буцах үеийн аюулгүй байдлын хариуцлагыг хүлээсэн. Энэ үеэр Беларусийн нутаг дэвсгэрт байрлуулсан бүх онгоц, нисдэг тэрэг, пуужингууд байрлаласаа хөдлөхгүй" гэж Украины ерөнхийлөгч Владимир Зеленскийн ажлын албанаас мэдэгдэв.
ОХУ-ын төлөөлөгчдийн бүрэлдэхүүнд БХЯ, ГХЯ-ны ажилтнууд, ОХУ-аас Беларуст суугаа элчин сайд Элчин сайд Борис Грызлов, Төрийн Думын олон улсын хорооны дарга Леонид Слуцкий нар багтжээ. Хэлэлцээрт оролцож байгаа багийн албан ёсны төлөөлөгчдийн тэргүүн нь Ерөнхийлөгчийн туслах Владимир Мединский юм.
Өмнө нь Кремль Украины тал эхлээд Гомель хотноо хэлэлцээ хийхийг зөвшөөрсөн, дараа нь төлөөлөгчдөө илгээгээгүй гэж мэдэгдсэн.
Зеленскийн хэвлэлийн нарийн бичгийн дарга Сергей Никифоров хариуд нь "Ийм хэлбэрийн талаар үнэхээр ярилцаж байсан. Гэвч эцсийн мөчид Оросын тал Украины армийг эхлээд зэвсгээ хураахыг шаардсан гэжээ.
Украины төлөөлөгчид Беларусийн Гомель мужид ОХУ-тай хэлэлцээ хийхээр тохиролцож, тийшээ явсан. Энэ тухай 2-р сарын 27-ны ням гарагт Беларусийн улс төрч Юрий Воскресенскийн хэлснийг ТАСС мэдээлж байсан ч тэд Гомель хотод очоогүй юм.
Харин 2-р сарын 27-ны өглөө Кремлийн хэвлэлийн төлөөлөгч Дмитрий Песков хэлэхдээ, ГХЯ, БХЯ, ерөнхийлөгчийн тамгын газрын төлөөлөгчдөөс бүрдсэн Оросын төлөөлөгчид Беларусийн Гомель хотод ирсэн бөгөөд Украины төлөөлөгчдийг хүлээж байна гэж мэдэгдсэн юм.
Гэсэн хэдий ч үүний дараа нь Украины Ерөнхийлөгч Владимир Зеленский Беларусийн нутаг дэвсгэр дээр хэлэлцээр хийх боломжгүй гэж үзэж, Варшав, Братислав, Будапешт, Истанбул эсвэл Баку хотод хэлэлцээр хийхийг санал болгожээ. Ингэснээр тэд хэлэлцэрийн ширээнд сууж чадаагүй юм. Гэхдээ дараа нь хэлэлцээр хийх газрыг дахин өөрчилж хэлэлцээр ямар ч байсан эхэлсэн гэх мэдээллийг өгч байна.
Үүний зэрэгцээ Москва Украины талд "энэ удаад цэргийн төлөвлөсөн үйл ажиллагааг урд өдрийнх шигээ зогсоохгүй" гэж анхааруулжээ.
Эх сурвалж: Лента.ру, ВВС
