Жанет болон Грэм Уолтон хоёр үрийн зулай үнэрлэхийг бүхнээс илүүтэй мөрөөддөг байжээ. Гэвч жирэмслэх гэсэн бүхий л оролдлого нь амжилтгүй болж байжээ.Ийнхүү 12 дахь удаагийн оролдлогын эцэст Жанет дахин найдалтгүй юм байна гэж шийдсэн байна. Гэвч 13-ын тоо аз авчирч тэрээр жирэмслэжээ.

Ээж, аав болох гэж байгаа хоёрын баяр хөөрт хязгаар гэж байсангүй. Харин 8 дахь долоо хоногт тэд хэт авианы шинжилгээ хийлгэхээр очоод нэг л өөр юм болсныг ойлгожээ. Эхоны эмч илт гайхширч, бусад эмч нар ч орж ирэн, энд тэндгүй л гайхан шивнэлдэж байжээ. Ингээд “Танайх зургаан хүүхэдтэй болох нь” гэж эхнэр, нөхөр хоёрт тайлбарлаж өгсөн байна.

Ийнхүү 1983 оны 11 дүгээр сарын 18-нд Уолтоныд Ханна, Рут, Люси, Кейт, Женни, Сара гэсэн зургаан ихэр охин төржээ. Ингэснээр тэд дэлхийд анхны зургаан ихэртэй айл болжээ.Охид Английн Ливерпуль хотыннэгэн эмнэлэгт 31 дэх долоо хоногт кесерав хагалгаагаар мэндэлсэн байна.Хоёр сарын дараа эх болон нярай нарын бие сайжирсан учир эмч нар тэднийг эмнэлгээс гаргажээ.

“Тэд жирэмсний 31 дэхь долоо хоногт эрүүл төрсөн. Гэхдээ хоёр охины уушги эхийн хэвлийд бүрэн хөгжиж амжаагүй учир, тэднийг инкубаторт оруулсан юм” гэж өрхийн тэргүүн хэлсэн байна. Аз жаргалтай аав, ээж хоёр жилдээ 10 мянган живх сольж, хэдэн жил бүтэн нойртой хонож байгаагүй гэнэ. Зургаан хүүхдийг нэгэн зэрэг хооллож, усанд оруулж, унтуулж, живхийг нь солих хэрэгтэй болдог байжээ. Харин охидууд том болж, сургуульд орсноор дугуйлан, биеийн тамирын секцэд явж эхэлжээ.

Өнөөдөр тэд 35нас хүрч, маш ойр дотно байцгаадаг байна. Ханна багаангийн багш, боловсролын хэд хэдэн дипломтай. Кейт хүний нөөцийн хэлтэст, Люси орон нутгийн нисэхийн компанид ажилладаг байна. Женни өөрийн гэсэн нарийн боовны цехтэй, Рут сүй тавьсан бөгөөд лавлагааны төвд ажилладаг аж. Харин 2014 онд Сара аав, ээж хоёрыгоо өвөө, эмээ болгон баярлуулжээ. “Би охидыгоо өсгөж, хүмүүжүүлэх үнэхээр дуртай байсан. Тэдний амьдралын ямар нэг үе бусдынхаас дээр байсан гэж би хэлж чадахгүй. Ажил төрөл ч мөн мунддаггүй байсан. Зээ нарын хувьд огт өөр байх байхаа” гэж Жанет ярьсан байна. Ийнхүү таньд дэлхийд ганцхан тохиосон зурган ихэрийн зургийг танилцуулж байна.

                                                                                                        Эх сурвалж Шуурхай.мн