АНУ-ын Калифорни мужийн шүүхээс бүс нутагт үйл ажиллагаа явуулж буй кофе худалдаалагч, үйлдвэрлэгчдийг бүтээгдэхүүнийхээ шошго дээр “Хорт хавдар үүсгэх бодисын агууламжтай” гэсэн тэмдэглэгээг заавал тавих шийдвэр гаргалаа.

Видсом Их сургуулийн судлаачдын үзэж буйгаар кофе хуурах явцад бий болдог акриламид гэх бодис нь хорт хавдар үүсгэгч гэнэ. Тэдний судалгааны дүнтэй Калифорни мужийн шүүгчид санал нэг байгаа аж. Калифорни мужид үйл ажиллагаа явуулдаг Starbucks, Eleven, Whole goods, Target  зэрэг компаниудын худалдаалж буй кофены аяган дээр “Хорт хавдар үүсгэх бодисын агууламжтай” гэсэн тэмдэглэлээ тавихаар боллоо. 

Кофе үйлдвэрлэгч компаниуд акриламид бодис зөвхөн кофе хуурах явцад бий болдог учир, чанаж, найруулсан кофены агууламжид нөлөөлөхгүй хэмээн мэдэгдсэн ч Шүүхээс “Хүний эрүүл мэндэд сөрөг нөлөө үзүүлэхгүй гэсэн нотлох баримт хангалтгүй” гэх үндэслэлээр хүлээж аваагүй байна.

Акриламид бодис нь хэд хэдэн төрлийн хорт хавдар үүсгэдэг бөгөөд хүний биеийн бодисын солилцоонд сөргөөр нөлөөлдөг. Энэ бодис жигнэмэг, чипс, шарсан төмс, овьёос зэрэг хуурч, хатаасан бүтээгдэхүүнүүдэд ихээр агуулагддаг.

                                                                                                              Эх сурвалж Шуурхай.мн