Олон мянган дагагчаасаа 2 тэрбум бат ($55 сая) луйвардаад гадаад руу зугтсан YouTube одыг эрэн сурвалжилж эхэлснээ Тайландын цагдаагийн газар өчигдөр зарлажээ.
“Nutty” нэрээр алдаршсан 30 настай бүжигчин Сучата Консупачак нь 6,000 гаруй хүнээс форекс арилжаагаар 35 хувийн ашиг өгөх амлалттайгаар ийм их хэмжээний мөнгө цуглуулж чадсан байна.
Тэрбээр тансаг ангиллын автомашин, үнэтэй цаг зэргийг худалдаж авснаа сошиал сувгаараа үзүүлдэг байжээ.
Үүнийгээ тэр Форекс арилжааны ашиг гэж 840,000 гаруй дагагчдаа тайлбарладаг байсан байна.
Энэ оны дөрөвдүгээр сараас хүмүүс Сучатад мөнгө цутгаж эхэлжээ. Гэвч сүүлд тэр алдаатай арилжааны улмаас бүх мөнгөө алдсан тухай Инстаграм хуудсаараа зарласан юм.
Мөнгөө алдсан зарим хүмүүс Сучатагийн байгаа газрыг зааж өгсөн хүнд 5 сая батын ($137,000) шагнал амлажээ. Түүнийг Тайландын хөрш улсуудын нэгэнд байгаа гэж таамаглаж байна.
“Энэ бол Понзи схемтэй төстэй луйвар. Гэхдээ ялгаа нь олон нийттэй харилцах арга хэрэгслийг ашигласанд оршиж байна. Хохирогчдын тоо цаашдаа нэмэгдэх магадлалтай” гэж Тайландын Кибер гэмт хэрэгтэй тэмцэх цагдаагийн албаны офицер Ваттана Кетумпай хэвлэлд ярьжээ.
Эх сурвалж: South China Morning Post