Лхагва гарагт Киргизстан, Тажикистан улсуудын хил дээр гурван тусдаа хэсэгт гарсан буудалцааны үеэр хоёр хүн алагдсан тухай хоёр улсын албаныхан мэдээлжээ.
Хоёр улс хоёул багтдаг Шанхайн Хамтын Ажиллагааны Байгууллагын дээд чуулга уулзалт эхлэхийн өмнөх өдөр энэ мөргөлдөөн гарч байна. Бас адилхан Зөвлөлт Холбоот Улсын бүрэлдэхүүнд байсан Азербайжан, Армени улсуудын хооронд зэвсэгт мөргөлдөөн үргэлжилж, Орос, Украин улсууд дайтаж буй цаг үед гарч байгаа юм.
Талууд түрүүлж гал нээсэн, хилийн маргаантай бүсэд нэвтэрсэн гэж харилцан нэгнээ буруутгажээ.
Киргиз-Тажикийн маргаантай хилийн бүсэд зэвсэгт мөргөлдөөн байнга гардаг. Өнгөрсөн онд хоёр улсын хооронд дайн гарахад ойртож байжээ.
Өчигдрийн буудалцааны үеэр Тажикистаны хилийн хоёр цэрэг алагдаж, 11 хүн шархадсаны дотор таван энгийн иргэн байсан байна.
Киргизстаны талаас хилийн хоёр цэрэг, хоёр энгийн иргэн шархадсан тухай мэдээлжээ. Талуудын хооронд сөргөлдөөнийг зогсоох яриа хэлэлцээ эхэлсэн байна.
Хоёр улсын ерөнхийлөгч нар өнөөдөр Узбекистаны Самарканд хотод эхлэх Шанхайн Хамтын Ажиллагааны Байгууллагын дээд чуулга уулзалтад оролцох юм.
Эх сурвалж: Reuters