fbpx Шигшээ баг нь Аргентины хүчирхэг багийг хожсон Саудын Араб улсад өнөөдөр бүх нийтээрээ амарна
 
Ангилал
Дэлхий дахинд Шуурхай онцлов
Огноо
Унших
3 минут 22 секунд

Шигшээ баг нь Аргентины хүчирхэг багийг хожсон Саудын Араб улсад өнөөдөр бүх нийтээрээ амарна

Катарт үргэлжилж буй хөл бөмбөгийн Дэлхийн Аварга Шалгаруулах Тэмцээний (ДАШТ) үеэр өчигдөр түүхэнд бичигдэх тоглолт боллоо.

Энэ нь дэлхийн хошой аварга Аргентины шигшээ баг энэ тэмцээний хамгийн бага чансаатай баг болох Саудын Арабын шигшээ багтай хийсэн C хэсгийн эхний тоглолтод 2:1 харьцаатай хожигдсон тоглолт байв.

Хоёр баг дэлхийд эзлэх чансаагаар 48 байрын зөрөөтэй байгаа. Дэлхийн шилдэг тоглогчдын гуравт эрэмбэлэгдэж байгаа Лионел Мессигийн ахалсан Аргентины шигшээ сүүлийн гурван жилийн хугацаанд 36 тоглолтод ганц ч хожигдолгүй явж байсан юм.

Саудын Арабын эрх баригчид түүхэн ялалтаа тэмдэглэж, Лхагва гарагийг бүх нийтийн амралтын өдөр болгон зарлажээ. Өнөөдөр тус улсын төрийн болон хувийн хэвшлийн бүх ажилтан, албан хаагчид, бүх түвшний сургуулиудын оюутан сурагчид амрах болсныг өчигдөр орой зарласан байна.

Өчигдрийн тоглолт дууссаны дараа Саудын Араб даяар баяр хөөрөө өргөн хүрээнд тэмдэглэсэн юм. Угсаа залгамжлах хунтайж Мохаммед Бин Салман тоглолтыг дуусгах шүгэл дуугарсны дараа ах дүү нартайгаа тэврэлдэн баярлаж байгаа зураг сошиал сүлжээнд тарсан байна.

зураг

Өчигдөр үдээс хойш Саудын Арабын их сургуулиуд багийнхаа тоглолтыг үзүүлэхээр бүх оюутнуудаа амраасан юм. Хотуудын гудамж талбай эзгүйрч, кафе, ресторануудад тоглолт үзэхээр эрчүүдтэй эмэгтэйчүүд зэрэгцэн суусан нь Исламын хатуу дэгтэй тус улсад ховор үзэгдэл байлаа.

Тоглолтын өмнө хунтайж Мохаммед Бин Салман шигшээ багийн тоглогчдодоо “Тайван байж, чаддаг ажлаа хийхийг би та бүгдээс хүсэж байна” гэж захиж байжээ.

Гэхдээ хэн ч шигшээ баг нь дэлхийн шилдэг багуудын нэгийг хожно гэж төсөөлөөгүй юм.

Саудын Арабын шигшээгийн хожил зөвхөн тус улсын иргэдийг баярлуулаад зогсохгүй нийт Арабын ертөнцийн баяр болсон байна.

Тухайлбал Арабын Нэгдсэн Эмиратын Дубай хотын захирагч, шэйх Мохаммед Бин Рашид Аль Мактум твиттер хуудсаараа дамжуулан хөрш орныхоо иргэдэд баяр хүргэсэн юм.

ДАШТ-ийг зохион байгуулагч орон Катарын эмир, шэйх Тамим Бин Хамад Аль Тани хөрш орныхоо далбааг нөмөрсөн байдалтай нийтэд харагдсан нь сүүлийн таван жилийн турш муудаад байсан хоёр орны харилцааг зөөлрүүлэх чухал үйлдэл болжээ.

зураг

Йемений террористуудыг дэмжсэн, дотоод хэрэгт нь оролцсон, бүс нутгийн гол өрсөлдөгч Ираны дэглэмтэй харилцаа тогтоосон зэрэг шалтгаанаар Саудын Арабын эрх баригчид хөрш Катартай 2017 онд дипломат харилцаагаа тасалж, агаарын болон усан замыг нь хааж байсан юм.

Тэгвэл Саудын Арабын шигшээ багийн түүхэн хожил нийт Арабын ертөнцийн амжилт болж, хоёр орны харилцаа сайжрах нөхцөлийг бүрдүүлж байна.

Эх сурвалж: The Guardian

Б.Солонго: Авлигын гэмт хэрэг зөвхөн улс төрд байдаг зүйл биш. Миссийн тэмцээний ялагчийг хахуулиар тодруулсан байж болзошгүй
Б.Солонго: Авлигын гэмт хэрэг зөвхөн улс төрд байдаг зүйл биш. Миссийн тэмцээний ялагчийг хахуулиар тодруулсан байж болзошгүй
 
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Энэ сарын 28-нд жирэмсэн эмэгтэй, 12 хүртэлх насны хүүхэдтэй эх, ганц бие эцгийг гэрээс нь ажиллуулахыг зөвлөлөө
Сэтгэгдэл (2)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!

Шинэ мэдээ